करछली गर्नु कानुनी रुपमा अपराध हो । तर पनि यस्ता अबपराध नेपालमा हुदै आएका छन । करछली कसरी गर्ने भन्ने विषयमा आन्तरिक राजश्व कार्यालयका कर्मचारीहरुबाटै सिकाईने गरेको पाइएको छ । करछली मात्र रोक्न सक्ने हो भने देशको अर्थतन्त्र बलीयो हुने छ । कर रोक्न नसकेकै कारण समस्या हुने गरेको छ । नेपालमा विभिन्न गैरकानुनी कार्य गरेर आर्जन गरिएको कालो धनलाई वैधानिकता दिने प्रवृत्ति पनि बढ्दै गएको छ ।
राजनीतिक अस्थिरता, कानुनी शासनको अभाव, भ्रष्टाचार, चरम माफियावादका कारण देशमा करछली गरेर अवैध सम्पत्ति आर्जन गर्नेहरुको संख्या बढ्दै जान थालेको देखिन्छ । सरकारी निकायको मीलीमतोमा सिमानाकाबाट अबैध सामानहरु भित्रीने गरेका छन । विभिन्न उपाय लगाएर करछली गर्न सिकाउने कर्मचारीहरुका कारण पनि देशको अर्थतन्त्र बलीयो हुन सकेको छैन ।
स्वदेशी तथा विदेशी माफियाहरुको चलखेलका कारण सहजै अबैध कारोबार हुने गरेका घटनाहरु हामीले देखेकै सुनेकै छौ । प्रहरीले दैनिक रुपमा करोडौका अबैध सामानहरु नियन्त्रणमा लिएकै छ । तर पनि करछली जस्ता कामहरु रोकीएका छैनन । किनकी सामान मात्र बरामद हुने साहुलाई नियन्त्रणमा ल्याउन नसकिएने अर्थात पक्राउ गर्न नसकिने भएकै कारण अबैध धन्दाहरु बन्द हुन सकेका छैनन ।
अबैध सामानहरु मात्र प््रहरीले नियन्त्रणमा लिने अपराधी पक्राउ नगरिनुले समस्याको समाधान हुन नसकेको हो । करछली गर्ने र यसमा सम्लग्न सबैलाई कारबाही गरिने हो भने देशको अर्थतन्त्र बलीयो हुने देखिन्छ । कर संकलन हुने देखिन्छ । जसले गर्दा राष्ट्रका सबै क्षेत्रमा सकारात्मक असर देखिने छ । विभिन्न क्षेत्रमा माफियाहरुको हैकम चलीरहेका कारण यस्ता गतीविधिलाई रोक्न कारबाहीलाई प्रभावकारी बनाउन जरुरी छ ।
कुनै किसिमको प्रलोभनमा नपरी देश र जनताको पक्षमा उभिएर काम गर्न जरुरी छ । देशमा वित्तीय सुशासन कायम गर्ने अपराधीलाई कारबाही र अपराधलाई नियन्त्रण गर्ने खालका कामहरु गर्न जरुरी छ । वित्तीय सुशासन भएको देशको रुपमा नेपाललाई अगाडी बढाउन जरुरी छ । कुशासन र कालो धन्दाको अन्त्य गरी सुशासन र सबै ब्याबसायीहरुलाई करको दायरामा ल्याउन जरुरी छ ।
देशमा मौलाउदै गरेका अबैध कार्यको अन्त्य गर्न सरकारले सबै प्रकारका रणनीतिहरु अख्तियार गर्नु जरुरी छ । करछली गरी कालो धन थुपारेर वैध बनाउने तत्वहरुलाई कारबाहीको दायरामा ल्याउन जरुरी छ । त्यस्ता अवैध सम्पत्तिलाई राष्ट्रियकरण गरी अपराध गर्नु हुदैन भन्ने मानसिकता बनाउन कारबाहीलाई प्रभावकारी बनाउन आवश्यक छ । करछली रोक्न कारबाहीलाई प्रभाकारी बनाउन जरुरी छ ।
