दलित समुदायका नेताहरु आफै ठूला बन्न खोजेका कारण दलित आन्दोलन अगाडी बढ्न नसकेको हो । यीनका गफले संसार देखि सकेको हुन्छ । संसार बुझि सकेको हुन्छ तर समुदाय भित्रको कमजोरी कहिल्यै बुझदैन । काम कम र बात बढी गर्ने भएकाले दलित आन्दोलन अगाडी बढ्न सक्दैन । दलितका मुक्तिका लागी भनिएका यीनका संगठनहरु पार्टीको गुणगान गाउने र झोला बोक्ने संगठन बन्दै गएका छन ।
समुदायका लागी सिन्को भाच्न नसक्ने गफ मात्रै गर्ने थलो बन्दै गएका छन । पार्टीका भातृसंगठनहरु हुन अथवा विभिन्न नाम दिइएका अन्य संगठन हुन । सबै गफाडीका झुण्ड बन्दै गएका छन । समुदायको हितमा कसैको ध्यान जान सकेको छैन । चाकरी र चाप्लुसी गर्नेहरुले नेतृत्व गर्दै दलित आन्दोलनलाई रसातलमा पु¥याई दिएका छन ।
दलित संगठनलाई स्वतन्त्र रुपमा काम गर्न नदिएका हुन अथवा गर्न नचाहेका हुन उनैले जानुन । दलितका संगठनहरु निश्चित ब्याक्तिहरुका उदेश्य पूरा गर्ने माध्याम बन्दै गएका छन । बास्तविक समुदायका लागी उत्तरदायी संगठन बनाउने हो भने दलितका सवालमा काम गर्न जरुरी छ । दलित समुदायको मुक्तिका लागी गम्भिर हुन जरुरी छ ।
दलितको नाम लिएर चिनीएका नेताहरु समुदाय प्रति जिम्मेवार हुन नसकेकै कारण दलितहरुको मुक्ति हुन नसकेको अबश्था छ । समुदाय प्रति जवाफदेही बनन नसक्ने दलित संघसंस्थाहरुको कुनै काम नभएकले यस्ता संस्था हुन र नहुनुमा कुनै फरक पर्दैन । त्यसैले दलित समुदायका सवालमा साच्चीकै आवाज उठाउने हो भने सबैले एक ठाउमा आउन जरुरी छ ।
एकला एकलैले गर्ने आन्दोलनले केही क्षणका लागी चर्चा कमाए पनि त्यसको प्रतिफल सुन्य हुने छ । दलित आन्दोलनको सार्थकताका लागी एकजुट हुन जरुरी छ । एउटै विचार र उदेश्य लिएर अगाडी बढ्न जरुरी छ । दलित समुदाय आफै भित्रको भाड भैलो कहिले सम्म ? भन्ने प्रश्नको अन्त्य गर्न एउटै ठाउमा एक भएर उभिन जरुरी छ ।
