जेठ १८ धनगढी । साहित्यकार गणेश नेपालीको कृती कसनको विमोचन गरिएको छ । बुधबार सामाजिक विकास मन्त्री गोविन्द बोहराले साहित्यकार नेपालीको कृती कविता संग्रह कसनको विमाचन गर्नु भएको हो । कसनको विमोचन पछि बोल्दै सामाजिक विकास मन्त्री बोहराले साहित्य विनको समाज अगाडी बढ्न नसक्ने बताउदै समाज परिबर्तनका लागी र देश विकासका लागी साहित्य अति आवश्यक भएको बताउनु भयो । मन्त्री बोहराले कसनका कविताहरुले समाजलाई कासन दिएको बताउदै समय संगै हिड्न सके परिबर्तन धेरै टाढा नभएको बताउनु भयो ।
हामीले समयलाई बुझन सकेका छैनौ समय बलवान छ त्यसैले समयसंगै हिड्न सक्यौ भने हामीले चाहेको समाज सहजै निर्माण गर्न सकिन्छ मन्त्री बोहराले भन्नु भयो । मन्त्री बोह।ेराले धेरै बोल्न आवश्यक नभएको बताउदै समयको महत्व बुझन सके धेरै कुरा गर्न सहज हुने बताउनु भयो । मन्त्री बोहराले साहित्यकार नेपाली असल साहित्यकार भएको बताउदै नेपालीका कविताहरुले राष्ट्रियता, समाज र रुपान्तरणको विषमा गहन कुराहरु पस्कन सफल हुनु भएको बताउनु भयो ।
मन्त्री बोहराले शिक्षा,स्वाश्थ्य नागरिकको पहिलो प्राथमिक्ता भएका बताउदै गास, बास, कपास, शिक्षा,स्वाश्थ्य र रोजगार नागरिकले सहजै प्राप्त गर्न पाउनु पर्ने बताउनु भयो । बाटो पछि बनाए पनि हुन्छ,विरामी भए उपचारका लागी अस्पताल र पढ्नका लागी विद्यालय पहिले बनाउनु पर्छ मन्त्री बोहराले भन्नु भयो ।
त्यसैगरी कसनको समिक्षा गर्दै गणेश राज जोशीले नेपाली अध्ययाशिल उर्जावान लेखक भएको बताउदै नेपालीकै सिफारिसमा आफुले पनि धेरै पुस्तक अध्ययन गरेको बताउनु भयो । उनले साहित्यकार नेपालीले हरेक विधामा कलम चलाउने गरेको बताउदै उनको लेखन कार्यको सफलताको कामना सहित कसनको अर्थ आफुले डिक्सनेरीमा पनि नभेटाएको तर्क गर्दै बास्तवमा कसनमा समाबेश गरिएका कविताहरु जीबन्त र परिबर्तनशिल भएको बताउनु भयो ।
त्यसैगरी सुदूरपश्चिमाञ्चल साहित्य समाजका निबर्तमान अध्यक्ष २०७२ सालका मदन पुरुष्कार विजेता रामलाल जोशीले बौद्धिकता र चेतनाको प्रदेश सुदूरपश्चिम प्रदेशमा साहित्यकार नेपालीले कसनको माध्यामबाट साहित्यमा ईटा थप्ने काम गरेको बताउदै धन्यबाद ब्यक्त गर्नु भयो । उनले कसनले बास्तविक समाजका घटनाहरुलाई उनेर सुन्दर मालाको निर्माण गरेको बताउनु भयो ।
उनले साहित्य समाजले सर्जकहरुका सृजनाहरुलाई यसरी विमोचन गर्दै जाने र साहित्य र सृजनामा लाग्न पे्र्रित गर्दै जाने बताउनु भयो । निबर्तमान अध्यक्ष जोशीले निकट भविष्यमै नारी साहित्य सम्मेलन समेत गरिने जानकारी गराउनु भयो । त्यसैगरी साहित्यकार जनक रसिकले कसनको समिक्षा गर्दै अध्ययनशिल उर्जावान र क्षमतावान ब्याक्तीत्व साहित्यकार गणेश नेपालीका कविताहरुले पाठकहरुको मन छुने मात्र नभई आमुल परिबर्तनमा समेत टेवा पु¥याउने बताउनु भयो ।
त्यसैगरी साहित्यकार बासुदेव पाण्डेयले गणेश नेपाली साहित्यको क्षेत्रमा उदाउदो तारा भएको बताउदै उनको साहित्य लेखनको निरन्तरताको कामना गर्नु भयो । उनले समाज परिबर्तन र रुपान्तरणका लागी नेपालीको कृती कसन आमुल परिबर्तन र साहित्य अनुरागीहरुका लागी कसम भएको बताउनु भयो । कसनको विमोचन कार्यक्रम सुदूरपश्मिाञ्चल साहित्य समाजका अध्ययक्ष तिर्थराज पाण्डेको अध्यक्षतामा सम्पन्न भएको थियो ।
