बैशाख ०३ कञ्चनपुर । देशभरका धेरैजसो विद्यालयमा प्राविधिक धारतर्फ विद्याथीर्को अभाव हुने गरेको अश्थामा कञ्चनपुरमा भने बालिविज्ञान (प्रि–डिप्लोमा÷जेटिए) पढ्ने विद्यार्थीको संख्या बढ्दै गएको छ । कञ्चनपुरको शुक्लाफाँटा नगरपालिका वडा नम्बर–४ स्थित राष्ट्रिय माध्यमिक विद्यालयमा प्राविधिक शिक्षा बालिविज्ञान (प्रि–डिप्लोमा÷जेटिए) पढ्ने विद्यार्थीको संख्या बढ्दै गएको हो । आधुनिक कृषिमा दक्ष जनशक्ति उत्पादन गर्ने उद्देश्यले प्राविधिक शिक्षा बालिविज्ञान (प्रि–डिप्लोमा÷जेटिए) पढाई सुरु गरिए पछि विद्यार्थीको आर्कर्षण बढ्दै गएको हो ।

विद्यालयका प्रधानाध्यापक धनसिंह महराले विद्यालयमा प्राविधिक शिक्षा पढनका लागि कञ्चनपुर, कैलालीसँगै डडेल्धुरा र बैतडी जस्ता पहाडी जिल्लाबाट विद्यार्थीहरु आउने गरेको बताए । चालु शैक्षिक सत्रमा ४० जनाको कोटामा २६ जना विद्यार्थी अध्ययनरत भएको बताउदै उनले छात्राको सङ्ख्या बढी रहेको बताए । विद्यार्थी आकर्षणको मुख्य आधार प्रयोगात्मक शिक्षा र रोजगारीको सुनिश्चितता भएको बताउदै उनले विद्यार्थीलाई पढाएर मात्र सैद्धान्तिक ज्ञान दिने नभई, काम गर्न सक्ने दक्ष जनशक्ति बनाउने लक्ष्य राखेको बताए । विद्यालयमा तीन जना दक्ष प्राविधिक शिक्षकद्वारा विद्यार्थीलाई सैद्धान्तिकसँगै प्रयोगात्मक कक्षामा सहभागी गराई पठन पाठन गरिँदै आएको उनले जानकारी गराए । कृषि प्रयोगशाला, पर्याप्त जग्गा, आधुनिक उपकरण र यन्त्रको प्रयोग मार्फत विद्यार्थीलाई खेतमै लगेर सिकाउने व्यवस्था गरिएको प्रधानाध्यापक महराले बताए । बीउ छनैेट देखि सिँचाइ, मल व्यवस्थापन र रोग–कीरा नियन्त्रण सम्मका सीप व्यवहारिक रूपमा सिकाउने गरिएको उनले बताए । शिक्षक अभिषेक चन्दले विद्यार्थीलाई परम्परागत र आधुनिक खेतीबीचको उत्पादन अन्तर प्रत्यक्ष देखाउने गरिएको बताए ।

यसले विद्यार्थीलाई रैथाने प्रजातीको संरक्षणमा टेवा पु¥याउन र आधुनिक प्रविधिको प्रयोग बढाउन प्रेरित गर्ने बताउदै उनले उत्पादन बढाउन सक्षम बनाउने बताए । विद्यालयले ‘सिक्दै कमाउँदै’ अवधारणालाई आत्मसात् गरेको बताउदै उनले विद्यार्थीले उत्पादन गरेको तरकारी र माछा बिक्रीबाट अतिरिक्त आम्दानी हुने गरेको बताए । यसले सिकाइलाई व्यवहारिक र दिगो बनाएको शिक्षक चन्दले बताए । आधुनिक यन्त्र पावर टिलर, मिनी टिलर, कृषि औजार, उपकरण, मल्चिङ प्रविधि, प्लाष्टिक टनेलको प्रयोग गरेर खेती गर्दा हुने फाइदाबारे विद्यार्थीले प्रत्यक्ष अनुभव लिन पाएको उृनले बताए । यससँगै खेतमा तयार भएको तरकारी देखि अन्नबाली भण्डारण गर्ने तौरतरिका र बजार प्रवद्र्धन गर्नेबारे जानकारी दिने गरिएको उनले बताए । टाढाबाट आउने विद्यार्थीका लागि विद्यालय परिसरमै निःशुल्क छात्रावासको व्यवस्था गरिएको बताउदै उनले आर्थिक रूपमा कमजोर विद्यार्थीलाई प्राविधिक शिक्षा लिन सहज भएको बताए । विगत एक दशकमा विद्यालयमा अध्ययनरत करिब १ सय ५० जना भन्दा बढी विद्यार्थीले बालिविज्ञान विषय उत्तीर्ण गरेको उनले जानकारी गराए । तीमध्ये अधिकांश एग्रोभेट सञ्चालन, व्यावसायिक खेती तथा मत्स्यपालन मार्फत स्वरोजगार बनेको बताउदै उनले केही विद्यार्थी सरकारी सेवामा प्रवेश गरेको बताए ।