बैशाख ०३ बझाङ । बझाङमा पानी जमेको खाल्डोमा डुबेर दुई जना बालबालिकाको मृत्यु भएको छ । बित्थडचिर गाउँपालिका वडा नम्बर–१ को माथिल्लो बित्थडमा शुक्रबार पानीको खाल्डोमा डुबेर दुई जना बालबालिकाको मृत्यु भएको हो ।
सोही ठाउँका गगन बोहराका ५ वर्षीय छोरा जेनिस र सन्तोश बोहराकी ६ वर्षीया छोरी प्रिन्साको पानीमा डुबेर मृत्यु भएको जिल्ला प्रहरी कार्यालय बझाङका सूचना अधिकारी प्रहरी निरीक्षक दिपक बिष्टले जानकारी गराएका हुन ।
छिमेकीको घर नजिकै शौचालय निर्माण गर्न खनेको खाल्डोमा जमेको पानीमा दुवै जना डुबेको अवस्थामा दिउँसो सवा २ बजेतिर मृत अबश्थामा भेटिएको उनले जानकारी गराए । घटनास्थल मुचुल्का सकेर उनीहरूको शव परीक्षणका लागि जिल्ला अस्पताल पठाइृउको उनले जानकारी गराए ।
