बैशाख २८ धनगढी । सुदूरपश्चिमाञ्चल साहित्य समाजले सुदूरपश्चिम प्रदेशकै सर्बाधिक राशीको साहित्य पुरस्कारका संस्थापक; दानवीर, साहित्यप्रेमी समाजसेवी स्व. बद्रीनाथ भण्डारीको ९७ औं जन्मजयन्ती मनाएको छ ।
प्रत्येक बर्ष सुदूरपश्चिमाञ्चल साहित्य समाजद्वारा उक्त पुरस्कार प्रदान गरिदै आएको छ । समाजका अध्यक्ष तीर्थराज पाण्डेयको सभापतित्वमा सम्पन्न भएको कार्यक्रमका प्रमुख अतिथि नेपाल प्रज्ञा प्रतिष्ठन , प्राज्ञ सभाका पूर्व सदस्य प्राज्ञ बासुदेव पाण्डेयले स्व. भण्डारीले सामाजिक, साहित्यिक, साँस्कृतिक, शैक्षिक क्षेत्रमा गरेका योगदानले वर्तमान र भावी पुस्तालाई प्रेरणा प्रदान गर्ने बताउनु भयो ।
मदन पुरस्कार २०७२ का विजेता साहित्यकार रामलाल जोशीले स्व.भण्डारीले सुदूरपश्चिमाञ्चल साहित्य समाजको तीनतले भवन निर्माण देखि सुदूरपश्चिमाञ्चल साहित्य समाजले थालेका साहित्यिक साँस्कृतिक देश दर्शन अभियान, विश्व नेपाली साहित्य महोत्सव–२०७६ सम्म अभिभवकको भूमिका अविस्मरणीय रूपमा निर्वाह गरेर हौसल प्रदान गर्नु भएको बताउदै उहाँको स्वर्गारोहण पछि नेपाली साहित्य महोत्सव– २०७८ मा उहाँको अभाव खड्की रहेको बताउनु भयो ।
कार्यक्रममा संस्थापक अध्यक्ष यज्ञराज यात्री, बद्रीकृष्ण साहित्य पुरुस्कार प्राप्त गर्ने प्रथम साहित्यकार गणेशराज जोशी, सुदूरपश्चिमाञ्चल विश्वविद्यालय परीक्षा बोर्ड सदस्य एवम् समाजका उपाध्यक्ष हरिकृष्ण कडायत, परिवारजनका तर्फबाट उहाँका सुपुत्र राजेश भण्डारीले मनतव्य व्यक्त गरेका थिए । कार्यक्रममा परिवारजन, साहित्यकार, समाजसेवीहरूको उपस्थिति रहेको थियो । कार्यक्रम संचालन समाजका महासचिव गणेश नेपालीले गर्नु भएको थियो ।
