डडेल्धुरा, नेत्र विक्रम चन्द विप्लव नेतृत्वको नेपाल कम्युनिस्ट पार्टी डडेलधुराले आलु खेती सूरु गरेको छ । पार्टीको केन्द्रीय आत्मनिर्भर नीति अनुरूप नेपाल कम्युनिस्ट पार्टी डडेलधुराले परशुराम नगरपालिका वार्ड नम्बर १० लामिजालामा आलुखेती सुरु गरेको हो । नपाल कम्युनिष्ट पार्टी डडेल्धुरा जिल्ला सचिव विजय रानाले हरेक व्यक्ति उत्पादनमा नजोडिए क्रान्ति सफल हुन नसक्ने भएकाले नेताकार्यकर्ताहरु उत्तपादनमा जोडीनु पर्ने बताए । उनले पार्टीको आत्मनिर्भरता सहितको उत्पादनमा भाग लिने केन्द्रिय निर्णय अनुसार आलु खेती सुरु गरिएको बताए । हामी हाम्रो पार्टीसंग आवद्ध सबै कार्यकर्ताहरुलाई उत्पादनमुखी बनाएर प्रत्यक्ष श्रममा जोडन चाहानछौ त्यसैले उत्तपादनसंग जोडीएका होै उनले भने । समाजवादी आन्दोलनलाई दिगो बनाउन र समाजवाद स्थापनाको लड़ाई सफल पार्न सिंगो पार्टी पंक्ति सशक्त रूपले उत्पादनमा जोडीएको सचिव रानाले बताए । उत्पादन कार्यमा पार्टी जिल्ला सचिव बिजय राना , नगर इन्चार्ज पुर्णिामा धामी , कार्यालय सचिव गणेश बोहरा, नगर सचिव लाल बोहरा लगायतका नेताकार्यकर्ताहरु श्रममा जुटेको नेकपाले जनाएको छ । कृषिद्वारा आत्मनिर्भरता र उद्योग द्वारा समृद्धिको नारा सहित नेपाल कम्युनिष्ट पार्टी देशभर उत्पादनसंग जोडिएको उक्त पार्टीले जानकारी गराएको छ ।