पौष २६ धनगढी । उज्यालो नेपाल पार्टीका उपाध्यक्ष एवम् सुदूरपश्चिम प्रदेशसभा सदस्य डा. तारा जोशी सहित २० जना केन्द्रीय सदस्यहरू राष्ट्रिय स्वतन्त्र पार्टी (रास्वपा) मै रहने भएका छन ।
रास्वपा र उज्यालो नेपाल पार्टीबीच भएको पार्टी एकता भंग भएपनि सुदूरपश्चिम प्रदेशसभा सदस्य डा. तारा जोशी सहित २० जना केन्द्रीय सदस्यहरू राष्ट्रिय स्वतन्त्र पार्टी (रास्वपा) मै रहने भएका हुन । राष्ट्रिय स्वतन्त्र पार्टी (रास्वपा) र उज्यालो नेपाल पार्टीबीचको एकता भंग भएसँगै दुबै दलले आ–आफ्ना आकस्मिक बैठक बोलाएका छन् ।
एकता टुटेसँगै दलभित्र आन्तरिक छलफल तीव्र बनेको छ । उज्यालो नेपाल पार्टीका अध्यक्ष कुलमान घिसिङ अध्यक्षमै रहने तयारीमा रहेको बताइए पनि पार्टीका केही केन्द्रीय सदस्यहरू भने एकताकै पक्षमा उभिने भएका हुन ।
उज्यालो नेपाल पार्टीले ५१ सदस्यीय केन्द्रीय समिति निर्वाचन आयोगमा बुझाइसकेको भए पनि स्रोतका अनुसार तीमध्ये २० जना केन्द्रीय सदस्यहरू एकताको निर्णयबाट पछि नहट्ने अडानमा रहेका छन् ।
उनीहरू हाल आन्तरिक छलफलमा जुटेको बताइएको छ । उज्यालो नेपालका एक जना केन्द्रीय सदस्यले २० जना केन्द्रिय सदस्य एकताको पक्षमा भएको बताउदै उज्यालो नेपालमा नफर्किँने र रास्वपामै रहने बताएका छन ।
