भनिन्छ लोभले लाभ, लाभले विलाप । लोभ लाभकै कारण आज थुप्रैका जीवन तहस नहस भएका छन । त्यसैले लोभलाभका पछी लाग्न हुदैन । छिट्टै प्रगती गर्ने र मोटोरकम कमाउने लालचमा थुप्रै मान्छेहरुका जीवन बर्बाद भएका हामीले देखेका छौ । लोभ लाभकै कारण थुप्रै महिलाहरु बेचिन थालेका छन ।
दलालहरुले पनि यस्तै मान्छेहरुलाई टार्गेट गर्ने गरेका छन । दुखमा परेका आर्थिक अबश्था कमजोर भएका र समस्यामा परेका महिलाहरुलाई लालच देखाएर लोभ देखाएर फसाउने गरिएको छ । भारतस“गको खुल्ला सीमाना, प्रविधिको बढ्दो दुरुपयोग र आफन्तकै संलग्नतामा मानव बेचबिखन तथा ओसार पसार जस्ता कार्य हु“दै आएका छन । कञ्चनपुरको गड्डाचौकी र कैलालीको गौरीफन्टा मात्र नभई वैकल्पिक तथा अवैध मार्ग हु“दै मानव बेचबिखन तथा ओसार पसार जस्ता कार्य हु“दै आएका छन ।
वैदेशिक रोजगारीको प्रलोभन, नक्कली विवाह, पर्यटन तथा अनलाइन मार्फत हुने ‘साइबर ट्राफिकिङ’का घटना बढ्दै गएका छन । गरिबी, बेरोजगारी, सीपको कमी र सामाजिक सञ्जालको दुरुपयोगस“गै आफन्त र चिनजानकै व्यक्तिको संलग्नतामा महिला बेचबिखन हुने गरेका छन । बेचबिखन गरिएका महिलाहरु यौन शोषणमा पर्ने गरेका छ । बालश्रम, जबर्जस्ती आपराधिक गतिविधि तथा अङ्ग प्रत्यारोपण जस्ता कार्यमा महिलाहरु प्रयोग गर्ने गरिएको पाइएको छ ।
पछिल्लो एक वर्षको अवधिमा पश्चिमी सीमानाका गड्डाचौकी तथा आसपासका क्षेत्रबाट मानव बेचबिखनको जोखिममा परेका २ सय ९ जना महिला तथा बालबालिकाका सीमाबाटै उद्धार गरिएको छ । ९० जना बालबालिका र १ सय १९ जना महिलाको उद्धार गरिएको छ ।
भारतको बिहार,चण्डिगढ, मुम्बई, दिल्ली, हैदरावाद लगायतका शहरमा महिलाहरु बेचिदै आएका छन । खुला सीमा र बदलिदो प्रविधिस“गै मानव बेचबिखनको जोखिम बढिरहेकाले सीमा क्षेत्रको निगरानी, समुदाय सचेतना र बहुपक्षीय सहकार्यलाई थप प्रभावकारी बनाउन आवश्यक छ । लोभ लालचमा परी जीवन बर्बाद हुने भएकाले समयमै सचेत हुन जरुरी छ ।
