रोजगारीका लागि विदेश जाने नेपालीहरुको दिन प्रति दिन लर्को लाग्ने गरेको छ । चाँड पर्बहरुमा घर फर्कने नेपालीहरु पनि चाँड पर्ब सकिए लगतै फर्कने गरेका छन । आफ्नो बाध्यात्मक परिस्थितीले रोजगारीका लागि अर्को देश जानेको लर्को लाग्न थालेको लामो समय विति सकेको भए पनि युवाशक्तिलाई रोक्ने सरकारले कुनै निती बनाउन सकेको छैन ।
स्वदेशमै रोजगारीका सम्भवना नभएकाले यूवाहरुले विदेश जानुपर्ने बाध्यता पुरानै हो । चुनावका बेला नेताहरुले रोजगारी दिने आश्वासन दिने र चुनाव पछि गाउँ नफर्किने गरेका थुप्रै उदाहरणहरु नेपाली जनतासंग छन । अधिकांश यूवा रोजगारीका लागि विदेश गएपछि गाउँमा बुढाबुढी र महिला मात्रै रहने भएकाले समस्या झनै बल्झिने गरेका छन ।
आफ्नै बारीबाट उब्जेको अन्नले बाह्रै महिना खान नपुगेपछि विदेशबाट काम गरेर ल्याएको पैसाले खाना किनेर खानुपर्दा विदेशीनु पर्ने बाध्यता रहेको छ । निर्वाचनका प्रतिबद्धता बोलीमै सीमित रहने गरेकाले देशमा व्यवस्था फेरिए पनि गरिब र सीमान्तकृत नागरिकको अवस्था अझै फेरिन नसकेको हो ।
नेताहरुको बोलीले जनतालाई सुविधा दिने भनिए पनि देखिने गरि कुनै काम हुन सकेका छैनन् । आफूले जिते घरघरमै रोजगारी सिर्जना गछौं विदेश तथा भारत जानुपर्ने बाध्यता हट्छ भनेर जितेका नेताहरुको भनाई बोलीमै सीमित हुने गरेका थुप्रै उदाहरणहरु छन । नेताहरुले आफ्ना स्वार्थमात्र पूर्ती गर्न थालेपछि युवाहरुले परिवार पाल्न विदेशिनु परेको छ ।
देशमा जस्तोसुकै व्यवस्था आएको भएपनि बेरोजगार युवाहरुको समस्या कसैले समाधान गर्न सकेको छैन । युवाहरु विदेशमा मजदुरी गरी पेट पाल्न, परिवार पाल्नका लागि जानुपर्ने बाध्यता रहेको छ । घरको आर्थिक अवस्था दयनीय भएको र गाउँमा कुनै उपाय नलागे पछि युवाहरु रोजगारीका लागि विदेश जाने गरेका छन् ।
विभिन्न समस्याहरु देखेर पनि सरकाले स्वरोजगारको लागि कुनै पहल थालेको छैन । सरकाले युवा श्रमशक्ति अर्थतन्त्रको मूल्याङ्कन तथा महत्व बुझन् जरुरी छ । उनीहरुको लागि स्वदेशमै रोजगारको सृजना गरी अर्थिक उन्नतीमा फडको मार्न जरुरी छ । वेरोजगार युवाहरुका लागि समय, परिस्थिती अनुसारको तालिम, सीपको व्यवस्था गर्न जरुरी छ ।
सरकारले दक्ष जनशक्ति विदेशिनबाट रोकन जरुरी छ । स्वदेशमै रोगगारीको सृजना गरी देश विकासमा आर्थिक लाभ लिन जरुरी छ । नेताहरु आफुले चुनावमा दिएको बचन, प्रतिबद्घता, जिम्मेवारीलाई ध्यानमा राखि व्यवाहारमा लागु गर्न जरुरी छ र यदि युवाहरुलाई रोजगारका लागि विदेश पठाउनै परे सरकारले अन्य देशसंगको श्रमझौता गरी मात्र पठाउन जरुरी छ ।
आफ्नो देशको, जनताको भावीष्य र जीवनलाई ध्यानमा राखेर काम गर्न जरुरी छ । देश तथा जनताको उन्नती, प्रगती र भलाईका लागि रोजगारको सृजना गरी युवा शक्तिलाई नेपालमै रोक्न जरुरीि । देशको अर्थतन्त्रको विकास गरी आत्मनिर्भर बन्न जरुरी छ ।
