कानुनको अनविज्ञता क्षम्य हुदैन भन्ने कुरा सबैले जान्न जरुरी छ । अर्थात कानुन सबैले पढन जरुरी छ । कानुनको बारेमा जानकारी राख्न जरुरी छ । कानुन सबैका लागी बराबरी भएकाले सबैलाई कानुन अनुसारको सजाय हुन पनि आवश्यक छ ।
तर आजकाल कानुुन फरक फरक हुने गरेको पाईन्छ । विभिन्न अपराधका घटनाहरुमा पक्राउ गरिएका अपराधीहरुलाई हुने सजायले कानुुन फरक फरक हुने गरेको पुष्टि गरेको छ । हुनेखानेले जहिले पनि पैसाको बलमा उन्मुक्ति पाउने गरेका छन । नहुने गरिव दुखिले मात्रै सजाएको भागीदार बन्नु परेको छ ।
यस्ता घटनाहरुले कानुन फरक फरक अएको सर्बसाधारणलाई आभाष हुन थालेको छ । यस्तो आभाष प्रहरी प्रशासन अदालत सबैले दिलाएका छन । दुनियामा सबै कुरा विकाउ हुने घटनाक्रमले पुष्टि गर्दै गएको छ । दुनियँलाई पैसा चाहिएको छ । पैसा पाए पछि भगवानका तिन नेत्र भने झै प्रहरी प्रशासन अदालत सबैको अर्को आखा पनि देखिने गरेको घटनाहरुले पुष्टि गर्दै गएको छ ।
जव सम्म हरेक क्षेत्रमा दलालहरु रहन्छन, भ्रष्टहरु रहन्छन, निष्पक्ष न्यायको परिकल्पना समेत गर्न सकिदैन । पैसामा विक्ने प्रहरी होईन सक्षम प्रहरीको छवी बनाउन आवश्यक छ । सार्बजनीक अपराधका घटनाहरुमा बढी जसो प्रहरी र सरकारी वकिलको कार्यालयबाट यस्ता कामहरु हुदै आएका छन ।
यसको सुधार आवश्यक छ । आजकाल भारतबाट चोरी गरेर आउनेहरुबाट प्रहरी माललामाल बन्दै गएको छ । धनगढीका आधा भन्दा बढी सुन ब्याबसायीहरु पनि चोरीकै सुनमा मालामाल भएका छन भने प्रहरी पनि यस्ता घटनाहरुबाट मालामाल बन्दै गएका छन ।
भारतबाट चोरेरल्याईने सुनका गहनाहरु बरामद गरे पनि त्यसपछि त्यस्को लेखा जोखा नहुनुले यो कुराको पुष्टि गरेको छ । पक्राउ गरेकाहरुलाई पनि पैसा खाएर छाड्ने प्रहरीको कार्यले यो कुराको पुष्टि गरेको छ ।
अपराध नियन्त्रणका लागी नभई पैसाकै लागी पक्राउ गरे जस्तो गर्ने र स्वार्थ सिद्ध गर्ने प्रहरीको कार्यमा सुधार ल्याउन आवश्यक छ । कानुन सबैका लागी बराबर भएको सन्देश दिन जरुरी छ ।
