कार्तिक १६ धनगढी । सुदूरपश्चिम महोत्सव २०८२ आगामी मंसिर २२ गते देखि सञ्चालन हुने भएको छ ।
आइतबार कैलाली उद्योग वाणिज्य संघले धनगढीमा पत्रकार सम्मेलन गरी सुदूरपश्चिम महोत्सव २०८२ आगामी मंसिर २२ गते देखि सञ्चालन हुने जानकारी गराएको हो ।
महोत्सवको १९औं संस्करणबारे जानकारी गिराउन आयोजीत पत्रकार सम्मेलनमा संघका अध्यक्ष पुष्कर राज ओझाले सुदूरपश्चिम प्रदेशको कला, संस्कृति, परम्परा, खानपान र कृषिको प्रवद्र्धन गर्नुका साथै व्यापारिक गतिविधि विस्तार गर्ने उदेश्यले महोत्सव आयोजना गरीने बताए ।
महोत्सवले स्थानीय उत्पादन, हस्तकला, कृषि उपज, उद्यमशीलता र पर्यटन प्रवद्र्धनमा समेत टेवा पुग्ने उनले बताए ।
यस वर्षको महोत्सवमा स्थानीय कलाकारका सांस्कृतिक प्रस्तुति, कृषि तथा उद्योग प्रदर्शनी, महिला तथा युवाका उद्यम स्टल, विविध प्रतियोगिता र मनोरञ्जनात्मक कार्यक्रम रहने जानकारी गराउदै उनले बालबालिकाका लागि खेलकुद क्षेत्र, कृषि प्रविधि प्रदर्शन र घरेलु उत्पादनहरूको बिक्री समेत हुने जानकारी गराए ।
संघले महोत्सवलाई “समृद्ध सुदूरपस्चिमका लागी आर्थिक समृद्धि ” भन्ने मूल नाराका साथ संघले महोत्सव आयोजना गर्न लागेको उनले बताए । महोत्सव धनगढी उपमहानगरपालिका वडा नम्बर १ पशुपति टोलमा सञ्चालन हुने उनले जानकारी गराए ।
महोत्सवमा सुदूरपश्चिमका सातवटै जिल्लाका व्यापारी, उद्योगी, कृषक तथा सांस्कृतिक समूहहरूको सहभागिता रहने उनले बताए । महोत्सवले प्रदेशकै आर्थिक, सामाजिक र सांस्कृतिक एकता सुदृढ गर्न मद्दत पु¥याउने विश्वास व्यक्त गरिएको उनले बताए ।
गत वर्ष झैँ यस बर्ष पनि लाखौँ दर्शक तथा उपभोक्ताको सहभागिता हुने अपेक्षा गरिएको उनले बताए ।
