महिला तथा बाल–बालिका सहजै बेच विखनमा पर्ने गरेका छन । पहिले भन्दा अहिले मानव बेचविखनमा कमी आएको भए पनि अझै पूर्ण रुपमा रोक्न नसकिएको अबश्था छ । यस्ता गैरकानुनी कार्यलाई रोक्न सबै भन्दा पहिले नागरिक सचेत हुन जरुरी छ । मान्छेहरु आजकाल दानव भएका छन । उनिहरुले मानवताको मूल्य मान्यतालाई विर्सेर गरिवीको फाईदा उठाउदै महिला तथा बालबालीकाहरुलाई बेचविखन गर्ने गरेका घटनाहरु सार्बजनीक हुदै आएका छन ।
यस्ता घृणीत कार्यको निन्दा गर्दै सचेत नागरिकले यसको रोकथामका लागी पहल थाल्न जरुरी छ । राम्रो काम लगाई दिने, र लाखौ कमाउने सपना देखाएर प्राय महिलाहरुलाई फकाउने गरिएको देखिन्छ । त्यस्तै बालबालीकाहरुलाई पनि पढाई दिने र राम्रो कमाउने लालचमा फसाउने गरिएको पाईन्छ । सर्बसाधारण गरिब तथा विपन्न परिवारका महिला बालबालीकाहरुलाई लालचमा पारेर मानव तस्करहरुले बेचविखन गर्ने कार्यले सिंगो समाजलाई लज्जीत बनाएको छ ।
मानव तस्करको फन्दामा परेर बालश्रम ,यौन शोषण र बलात्कारमा परेका कयौ बाल बालिकालाई भारतबाट उद्धार गरिएका घटनाहरु छन । बालबालिका र महिलाको हितमा काम गर्दै आएका संस्थाहरुले सिमानाकामा काम गर्दै आएका भए पनि यस्ता दलालहरुले खुल्ला सिमानाको फाईदा उठाउदै सहजै नाका कटाउने भएकाले सबैले सचेत हुन जरुरी छ ।
मानव तस्करको फन्दामा परेका नेपाली महिला तथा बाल बालिकाको उद्धार गर्ने महान कार्यमा सबैले लाग्न जरुरी छ । नेपाली महिला र बाल बालिकाहरुलाई फकायर सहजै भारतका विभिन्न स्थानमा लगेर बेच्न सक्रिय मानव तस्करहरुलाई सबैले चिन्न जरुरी छ । सुदूरपश्चिम प्रदेशका मात्र नभई अन्य प्रदेशका महिलाहरु पनि कैलाली र कञ्चनपुरका नाकाहरुबाट भारत लगीने भएकाले नाकामा काम गर्ने प्रहरी संघ संस्था सबै चनाखो हुन जरुरी छ ।
गरिब तथा टुहुरा बाल बालिका र श्रीमानबाट पीडित महिलाहरु मानव तस्करको जालोमा फसेर भारतको विभिन्न राज्यमा बेचिने भएकाले गरिव तथा विपन्न पीडितहरुलाई यस्ता विषयमा सचेतना कार्यक्रम मार्फत सचेत गराउन आवश्यक छ । लामो समय देखि मानव तस्करहरुले प्र्र्रभावमा पार्दै फसाउने गरेका घटनाहरु हुदै आएका छन ।
बाल बालिका र महिलाहरुलाई बेचबिखन गरेर यौन कार्यमा लगाई यौन शोषण गर्ने घृणीत कार्य हुदै आएका विगतका घटनाहरुले देखाएका छन । कदलालहरुलाई कानुनी कारबाही गर्न सके यस्ता अपराधमा कमी आउने भएकाले सबैको ध्यान मानव बेच विखन रोक्ने कार्यमा जान आवश्यक छ ।
मानव तस्करहरुले फसाउन सक्ने पीडित महिला तथा बा.लबालीकालाई सचेत बनाउनुका साथै उनिहरुको गासबासको राज्यले ग्यारेन्टी गर्न जरुरी छ । मानब बेचविखन कार्यलाई रोक्न सामाजिक सचेतनाका साथै सिमानाकामा निगरानी बढाउन जरुरी छ । मानव बेचविखन रोक्न सक्रिय हुन जरुरी छ ।
