हरेक बर्ष बजेट फ्रिज हुने गरेका समाचार आउने गरेका छन । समाचार आउने विषय सामान्य भई सकेको छ । बजेट कार्यान्वयन गर्न नसक्दा विकास निर्माणका कार्यहरु हुन नसकेको अबश्थामा बजेट फ्रिज जाने गरेको छ । बर्षभरी सुतेर बस्ने र असार लागेपछि बजेट सक्ने कार्य हुदै आएका छन । यो अबश्थाको सुधार हुन आवश्यक छ ।
जब आर्थिक बर्ष सकिन लाग्छ त्यस पछि कागज र यत्रतत्र बजेट खर्च गर्ने चटारो हुन्छ । जसले गर्दा समस्या हुने गरेको छ । सुदूरपश्चिम प्रदेश सरकारले विगतका बर्षहरुमा बजेट भएर पनि खर्च गर्न नसकेको अबश्था छ । बजेट कार्यान्वयनको अबश्था निकै कमजोर देखिएको छ । प्रदेश सरकारले बजेट खर्चमा ध्यान दिन जरुरी छ ।
बजेट खर्च गर्न नसक्नु प्रदेश सरकारको कमजोरी हो । प्रदेशका विषयगत मन्त्रालयका लागि विनियोजित बजेट आर्थिक वर्ष सकिनै लाग्दा समेत कार्यान्वयन हुन नसकेको अबश्था छ । बजेट नभए खर्च नहुनु स्वभाविक हो । बजेट भए पछि त्यसको उपयोग गरिनु पर्छ तर प्रदेश सरकार त्यसमा चुकेको छ । प्रदेश सरकारले ल्याएको बजेट आर्थिक वर्ष नसकिदै सक्नेगरी काम गर्न जरुरी छ ।
बजेट कार्यान्वयन हुन नसक्नु दुखद विषय हो । आएको बजेटलाई समयमै सदुपयोग गर्न प्रदेश सरकारले योजना बनाउन जरुरी छ । आएको बजेटलाई आसेपासे र कार्यकर्तामुखि नबजनाई जनता मुखी बनाएर कार्यान्वयन गर्न जरुरी छ । आर्थिक बर्ष सकिनै लाग्दा असारमा गरिने बजेट खर्चको औचित्य नहुने भएकाले बरु बजेट फिर्ता गर्न जरुरी छ ।
कार्यकर्ता पोस्ने र बजेट दुरुपयोग गर्ने बन्द गरिनु पर्दछ । असारमा बजेट सक्नकै लागी काम गरिने भएकाले यस्तो अबश्थाको अन्त्य गरिनु पर्दछ । समयमै बजेटको सदुपयोग गर्न समयमै योजनाको सुरुबात गर्न जरुरी छ ।
हतारमा गरिने कामले प्रतिफल सुन्य ल्याउने भएकाले सबै सरकारहरुले समयमै बजेट कार्यान्वयन गर्न आवश्यक छ । स्थानीय सरकार होस की प्रदेश सरकार अथवा संघीय सरकार सबै सरकारले असारे विकासलाई निरुत्साहित गर्न जरुरी छ । समयमै बजेटको सही सदुपयोग गरी बजेट फ्रिज जाने अबश्थाको अन्त्य गरिनु पर्दछ ।
