बैशाख २७ धनगढी । मानवसेवा आश्रमले श्रीमद् भागवत सप्ताह ज्ञानविज्ञान महायज्ञ–२०८१ को आयव्यय सार्वजनिक गरेको छ । आश्रमले कैलालीको धनगढी शाखाको भवन निर्माण गर्ने उदेश्यले गत माघ २३ गतेदेखि ३० गते सम्म धनगढीमा आयोजना गरेको महायज्ञको शनिबार आयव्यव सार्वजनिक गरेको हो ।
महायज्ञमा कुल ४ करोड ७४ लाख ३० हजार ४ सय ३५ रुपैया संकलन भएको महायज्ञका संयोजक मदन कुँबरले जानकारी गराए । नगद,क्युआर तथा अनलाइन माधयम र चेकबाट ८१ लख ८१ हजार ९ सय ७८ संकलन भएको उनले बताए । त्यसैगरी ३ करोड ९० लाख ७२ हजार ८० रुपैया प्रतिवद्धता गरिएको उनले जानकारी गराए ।
सरकारी निकायबाट २७ लाख ८१ हजार १ सय १२ रुपैया,संस्थागत २ करोड ४८ लाख ९९ हजार ५ सय ८४ र व्यक्तिगत १ करोड १३ लाख २६ हजार ५ सय ८४ रुपैया प्रतिवद्धता गरिएको उनले जानकारी गराए । प्रतिवद्धता गरिएको रकम मध्ये हालसम्म १४ लाख ८२ हजार ४६ प्राप्त भएको उनले बताए ।
महायज्ञमा ४९ लाख ६८ हजार ८ सय ६५रुपैया खर्च भएको उनले जानकारी गराए । धनगढी उपमहानगरपालिका वडा नम्बर–१५ उर्मीमा २ बिघा जग्गामा निर्माण सुरु गरिएको मानवसेवा आश्रमको सुदूरपश्चिम प्रदेशस्तरीय भवन निर्माण सहयोगार्थ महायज्ञको आयोजना गरिएको आयोजकले जनाएको छ ।
भवन निर्माण भएपछि सुदूरपश्चिमका २ सय ५० जना सहयोगापेक्षी सडक आश्रित मानवलाई संरक्षण एवम् सेवा प्रवाह गर्न सकिने आश्रमले जनाएको छ । २०७५ साल मंसिर १ गते धनगढी उपमहानगरपालीका वडा नम्बर–५ तारानगरमा घर भाडामा लिई मानवसेवा आश्रम धनगढी शाखाले सेवा शुभारम्भ गरी दिदै आएको छ ।
