सुदूरपश्चिमका सरकारी स्वास्थ्य संस्थामा ‘आइरन चक्की’को अभाव भएको छ । ‘आइरन चक्की’ अभाव हु“दा प्रसूति जा“चका लागि आएका गर्भवती महिला निराश भएर फर्कने गरेका छन् । गर्भवती महिला र सुत्केरीका लागि निःशुल्क वितरण हु“दै आएको आइरन चक्कीको अभावले समस्या उत्पन्न भएको छ ।
दुई वर्षअघि संघले आइरन चक्की खरिद गरी प्रदेशलाई दिदै आएको भए पनि अहिले खरिद नगरेका कारण स्वास्थ्य संस्थामा ‘आइरन चक्कीको अभाव भएको हो । सरकारले यस्ता विषयलाई व्यवस्थित र मर्यादित बनाउन जरुरी भए पनि सरकारले ध्यान नदिएका कारण ‘आइरन चक्कीको अभाव भएको हो ।
सहस्राब्दी विकास लक्ष्य हासिलका लागि सन् २०३० सम्ममा मातृ तथा नवजात शिशुको मृत्युदर शून्यमा झार्ने लक्ष्य कसरी पुरा होला भन्ने प्रश्न खडा भएको छ । सरकारले विश्वसामु जनाएको प्रतिबद्धता कसरी पूरा होला प्रश्न खडा भएको छ । सरकारले समयमै आइरन चक्की उपलब्ध गराउने ब्यावश्था गर्न जरुरी छ ।
प्रदेशले आइरन चक्की खरिद गर्ने बजेट अझै पाएको छैन । आइरन चक्की खरिद गर्ने जिम्मा संघको हो या प्रदेशको ? स्थानीय सरकारले खरिद गर्न नपाउने नियम बनाई प्रदेशले खरिद गरी आवश्यकतानुसार स्थानीय सरकारलाई उपलब्ध गराउनु पर्ने भए पनि संघले खरिद गरेर पठाउनुपर्ने दाबी प्रदेशले गरिरहेको छ ।
गर्भवती र सुत्केरी महिलाको स्वास्थ्यमा समस्या आउन नदिनका लागि प्रयोग हु“दै आएको आइरन चक्की सरकारले खरिद गरी समयमै उपलब्ध गराउन जरुरी छ ।
सुदूरपश्चिम प्रदेशमा मात्र नभई देशैभरी निःशुल्क पाउने गरेको ‘आइरन चक्कीलाई उपलब्ध गराउन जरुरी छ । गर्भवती महिला र सुत्केरी महिलाको स्वास्थ्य प्रति सरकार सचेत हुन जरुरी छ । समयमै ‘आइरन चक्कीलाई उपलब्ध गराउन जरुरी छ ।
