फागुन १८ धनगढी । राष्ट्रिय प्रजातन्त्र पार्टीका अध्यक्ष राजेन्द्र लिङदेनले देश बनाउन कांग्रेस र कम्युनिष्टको विकल्प खोज्ने बेला आएको बताएका छन् । आइतबार धनगढीमा आयोजीत राष्ट्रिय प्रजातन्त्र पार्टीको बिरोध सभामा अध्यक्ष लिङदेलले देश बनाउन कांग्रेस– कम्युनिष्टको विकल्प खोज्जुपर्ने बृला आएको बताएका हुन । देश बनाउन कांग्रेस, एमाले, माओवादी लगायतको विकल्प खोज्नुपर्छ, त्यो विकल्प राप्रपा हो, यो व्यवस्था र यी नेता असफल भइसकेका छन ,त्यसैले राप्रपालाई मौका दिन। होस उनले भने ।‘अब पनि कांग्रेस र कम्युनिष्टबाट देश बन्छ भन्नु देश बर्वादमा जानु हो, अब यिनीहरुले देश बनाउँछ भनेर नपर्खौ, विकल्प रोजौँ ।’
अध्यक्ष लिङदेनले अभिभावकको रुपमा राजालाई राखेर जनताबाट प्रत्यक्ष निर्वाचित कार्यकारी प्रधानमन्त्री सहितको ब्यबस्था लागु गर्नुपर्ने बताए । ‘भ्रष्टाचारीलाई संरक्षण गर्ने गरी कानुन बनाइरहेको बर्तमान सरकार असफल भइसकेको बताउदै उनले कमिशन खानलाई एयरपोर्ट बनाइरहेकाहरुबाट देश बन्छ भनेर आश गर्नु दिवा सपना जस्तै भएको बताए । युवा बेचेर देश चलाउनु पर्ने अबस्थाको चाँडै अन्त्य गर्नुपर्ने उनले बताए । त्यसैगरी राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले देशमा प्रत्यक्ष निर्वाचित प्रधानमन्त्री हुनु पर्ने बताएका छन् ।
भ्रष्टाचार र कुशासनका विरुद्ध वृहत विरोध सभामा बोल्दै उनले यस्तो बताएका हुन् । पटक पटक असफल भएकाहरु प्रधानमन्त्री भइराख्ने व्यवस्थाले अवस्था परिवर्तन नहुने बताउदै उनले प्रत्यक्ष निर्वाचित प्रधानमन्त्री भएमा विज्ञहरुको मन्त्रीमण्डल बन्ने बताए । ज्ञान र क्षमता भएका मान्छे ठाउँमा पुगे विकास हुने बताउदै उनले जनताको अवस्था सुधार गर्न व्यवस्था,परिवर्तन हुनुपर्ने बताए । प्रदेश संरचनाले ठूलो व्ययभार बढेकाले यसलाई खारेज गर्नुपर्ने बताउदै उनले प्रदेश संरचनामा हुने खर्च अस्पताल निर्माण,उद्योगधन्दामा लगाउनु पर्ने बताए ।
उद्योगधन्दामा लगानी गरे रोजगारीे सिर्जना हुने बताउदै उनले राजनीतिक खिचातानीका कारण देश वर्बाद भइरहेको बताए । शिक्षा,स्वास्थ्यको गुणस्तरमा सुधार ल्याउनु पर्ने बताउदै उनले रोजगारीको अवसर नपाउँदा युवाहरु विदेशिन बाध्य भएको बताए । रोजगारीमा सरकारको ध्यान जानुपर्ने बताउदै उनले मन्त्री प्रधानमन्त्री बदलेर मात्रै देश नबन्ने बताए । राष्ट्रियसभामा पनि विज्ञताका आधारमा सांसद राख्नुपर्ने उनले बताए ।
विरोध सभामा राप्रपाका नेता डा. प्रकाशचन्द्र लोहनीले काण्डै काण्डका नाइकेहरु कसरी अग्रगमनकारी हुन सक्छन् भनेर प्रतिप्रश्न गरे । ‘देश बचाउन देशभरका राजनीति दलबीच एकता हुन आवश्यक छ, जसमा राजसंस्था पनि एक शक्ति हो उसलाई पनि सँगै लैजानुपर्छ उनले भने ।’सरकारलाई खबरदारी स्वरुप धनगढीको पार्कमोडमा गरिएको विरोध सभामा राप्रपाका दर्जनभन्दा बढी केन्द्रीय नेताले मन्तब्य राखेका थिए । मन्तब्य ब्यक्त गर्ने सबैले बर्तमान सरकार र देशका मुख्य दलको बिरोधमै समय खर्चिएका थिए । राप्रपाका सुदूरपश्चिम प्रदेश अध्यक्ष धर्मराज जोशीको सभापतित्वमा भएको कार्यक्रमको सञ्ंचालन प्रदेश प्रबक्ता छत्र शाहीले गरेका थिए । बिरोध सभामा सहभागी हुन कैलाली–कञ्चनपुरका विभिन्न ठाउँबाट राप्रपा समर्थित नेता तथा कार्यकर्ता ठूलो संख्यामा जम्मा भएका थिए ।
