फागुन १८ धनगढी । कैलाली जिल्लाका दुई वटा पालिकामा गठीत समुहका बिपन्न दलित महिलालाई आयआर्जन गरी स्वरोजगार बनाउन ६ लाख रुपैया अनुदान प्रदान गरिएको छ । धनगढी उप–महानगरपालिका र गौरीगंगा नगर पालिकाका १० वटा समुहका २९ जना बिपन्न दलित महिलालाई प्रति समुह ३ लाख रुपैयाका दरले जम्मा ६ लाख रुपैया अनुदान प्रदान गरिएको हो ।
दलित महिला संघ फेडो कैलालीद्धारा धनगढी उप–महानगरपालिका र गौरीगंगा नगरपालिकाका १० वटा समुहका २९ जना बिपन्न दलित महिलालाई ६ लाख नगद अनुदान प्रदान गरिएको हो ।
नेपालमा दलित महिला र किशोरीको मानव अधिकार प्रवर्धन परियोजनाबाट उनीहरुलाई ६ लाख नगद रकम अनुदान प्रदान गरिएको जिल्ल संयोजक विनोद घिमीरेले जानकारी गराए । उक्त रकमबाट दलित तथा बिपन्न महिलाहरुले स्थानीय स्तरमाउद्यमशील बननाई आत्मनिर्भर बन्ने कोशिस गरिरहेको घिमीरेले जानकारी गराए ।
महिलाहरुले उक्त रकम कुखुरापालन, खुद्रापसल, बाख्रापालन, बंगुरपालन जस्ता ब्यवसायमा लगानी गरी आत्म निर्भर बन्ने कोशिस गरीरहेको उनले जानकारी गराए । परियोजनाबाट व्यवसाय सञ्ंचालन सहयोग र म्याचिगं सहयोग गरि प्रतिव्यक्ति १५ हजार देखि ३५ हजार सम्म अनुदान दिईएको दलित महिला संघका अध्यक्ष सविना सुनारले जानकारी गराईन ।
अनुदान रकम थोरै भए पनि त्यसमा थपेर बिपन्न महिलाहरुले सानो सानो उद्यमगरी आफूलाई स्वरोजगार बनाउन कोशिस गरेको उनले बताईन । रकम दिनु अघि संस्थाले उनीहरुलाई उद्यमशीलता बिकास तालिम, व्यसायिक योजना निर्माण लगायतका सीप प्रदान गरेको उनले जानकारी गराईन ।
दुवै पालिकाका पालिका तथा वडा स्तरीय जनप्रतिनीधीको रहोवरमा बितरण गरिएको अनुदान रकम समुहको बीउपूजीका रुपमा रहने र बढीमा १ बर्ष पछि घुम्तीकोषका रुपमा अन्य व्यवसाय गर्ने सदस्यलाई समुहले निर्णय गरि प्रदान गरिने संस्थाका जिल्ला कार्यक्रम संयोजक बिनोद कुमार घिमिरेले जानकारी गराए ।
जसबाट समुहको बचत कोषको प्रवर्धन भई समुहका प्रत्येक सदस्यलाई आर्थिक गतिबिधी सञ्चालन गर्न मद्दत पुग्ने उनले बताए ।
