पौष १८ धनगढी । प्रदेश नीति तथा योजना आयोग सुदूरपश्चिम प्रदेशको उपाध्यक्षमा जिवन राना नियुक्त भएकी छिन् । प्रदेश मन्त्रि परिषद बैठकले रानालाई उपाध्यक्षमा नियुक्त गरेको हो ।
उनी नेपाली काँग्रेसकी केन्द्रीय सदस्य हुन् । मन्त्रिपरिषद बैठकले सदस्य पनि नियुक्त गरिसकेको बताइएको छ । एकीकृत समाजवादी नेतृत्वको सरकार ढलेपछि उपाध्यक्षबाट गणेशबहादुर विश्वकर्माले राजीनामा दिएसंगै उक्त पद रिक्त रहेको थियो ।
त्यसैगरी शेर बहादुर भण्डारी र हिरा चन्दलाई नीति तथा योजना आयोगको सदस्यमा नियुक्त गरिएको छ । द सोसियो कल्चर अफ राना थारु विषयमा विद्या वारिधी प्राप्त रानाले एजुकेशन प्लानिङ म्यानेजमेण्टमा स्नातकोत्तर गरेकी छन् ।
राना थारु समाजकी पूर्व अध्यक्ष राना नेपाली काँग्रेसकी केन्द्रीय सदस्य हुन् । मुख्यमन्त्री शाहले बुधवार रानालाई उपाध्यक्ष पदको शपथ खुवाएका थिए । त्यसपछि उपाध्यक्ष रानाले नवनियुक्त सदस्यद्धय भण्डारी र चन्दलाई शपथ खुवाएकी थिईन ।
