पौष ०८ धनगढी । कैलालीको भजनीमा रहेको पुरैना ताललाई पर्यटकिय स्थलका रुपमा विकास गरिने भएको छ । २०६४ सालमा मोहना नदीको बाढीले पुरिएको पुरैना ताल स्थानीयले अतिक्रमण गरेको अबश्थामा खाली गराईए पछि पर्यटकिय स्थलका रुपमा विकास गरिने भएको हो । भजनी नगरपालिका वडा नम्बर–७ लालबोझीमा रहेको पुरैना तालको अतिक्रमण खाली गराएर पुरानै स्वरुपमा फर्काउने काम भएको बताइएको छ ।
पाँच सय ६३ बिघा क्षेत्रफलमा फैलिएको पुरैना ताल पर्यटकीय स्थलका रुपमा विकास गरिने भएको हो । सुदूरपश्चिम प्रदेशका उद्योग पर्यटन वन तथा वातावरण मन्त्री लक्ष्मण किशोर चौधरीले पुरैना ताललाई एसियाकै ठुलो ताल बनाउन सकिने बताए । पर्यटकीय क्षेत्रमा ल्याउन सकिने पुरैना ताल लगभग ६ सय बिघा क्षेत्रफलमा फैलिएको बताउदै उनले एसियाकै सबैभन्दा ठुलो ताल हुन सक्ने बताए । पुरैना ताललाई पर्यटकीय स्थलको रुपमा विकास गरिने चौधरीले बताए ।
ताल अतिक्रमण भएको झण्डै १६ वर्षपछि अतिक्रमण हटाएर पुरानै स्वरुपमा फर्काउने प्रयास भएको उनले बताए । ताल क्षेत्रको सीमाकंन र नक्सांकन गरेर वरिपरि १० फिट चौडा र पाँच फिट अग्लो माटोकै पर्खाल बनाउने काम भएको छ । डिभिजन वन कार्यालय पहलमानपुर अन्तर्गत पर्ने उक्त ताल क्षेत्रको पुनःस्थापना गर्ने काम थालिएको छ ।
पुरैना ताल कैलाली जिल्लाको सबैभन्दा ठुलो ताल हुने सुदूरपश्चिम सरकारको दाबी छ । चौधरीले भजनी,घोडाघोडी, टीकापुर नगरपालिका, कैलारी गाउँपालिका र धनगढी उपमहानगरपालिका क्षेत्रका लागि पर्यटकीय स्थलको रुपमा विकास गरिने बताए । अहिले गहिरो ताल भन्दा पनि सिमसार बनाउन खोजेको प्रदेश सरकारले बताएको छ । सिमसारमा बाढीले पनि क्षति कम गर्ने बताईएको छ । स्थानीय र पर्यापर्यटनका जानकारहरुका अनुसार तालको ऐतिहासिक तथा सांस्कृतिक महत्व रहेको छ ।
पर्यटन मन्त्री चौधरीले पुरैना भनेको थारु भाषामा कमलको फूल भएको बताउदै स्थानीय थारु समूदायमा आफ्नो पूजाआजामा त्यही तालको कमलको फूल र पातको प्रयोग अनिवार्य मानिने गरको जानकारी गराए । विगतमा पुरैना तालको पर्यापर्यटकीय महत्व पनि धेरै भएको बताउदै उनले सोही आधारमा प्रदेश सरकारले योजना बनाउने बताए ।
सुदूरपश्चिमका पर्यटन मन्त्री चौधरीले पर्यटकीय क्षेत्रहरु र तालहरुको संरक्षण र सुरक्षाको काम थालिएको उनले बताए । पुरैना ताल क्षेत्र बसाइँ सर्ने घुमन्ते चराहरु बास बस्ने ठाउँ पनि भएको बताउदै उनले साइबेरिया, रुसबाट आएका चरा बच्चा कोरलेर फर्किने गरेको बताए । ताल विनास भए पछि बासस्थान खल्बलिएको बताए । पुरैना ताल विनास भएका कारण घोडाघोडी ताल क्षेत्रमा पनि आगन्तुक चराहरुको संख्या घटिरहेको बताईएको छ ।
