बैशाख २४ धनगढी । सशस्त्र प्रहरीले भन्सार मुल्याकंन कम गरी नेपाल भित्र्याइदै गरेको ट्रक सहित कृषी उपकरण बरामद गरेको छ । आइतबार सशस्त्र प्रहरीले कैलाली भन्सारबाट भन्सार मुल्याकंन कम गरी भित्रिन लागेको ट्रक सहित कृषी उपकरण बरामद गरेको हो ।
भारतिय नम्बर प्लेटको युपी ३१ टि ४६५७ नम्बरको ट्रक सहित कृषी सम्बन्धी उपकरण बरामद गरिएको सशस्त्र प्रहरी बल नम्बर ३४ गणका प्रवक्ता सशस्त्र प्रहरी नायब उपरिक्षक साजेन्द्र श्रेस्ठले जानकारी दिए । भन्सारमा कम मुल्याकंन गरी ट्रक नेपाल भित्रिदै गरेको सूचनाका आधारमा ट्रक र सामान बरामद गरिएको उनले जानकारी गराए ।
ट्रकसंगै समान र धनी बैरिस्टर गुप्तालाई पक्राउ गरिएको उनले जानकारी गराए । सामान बरामद गरिए पछि आवश्यक अनुसन्धानका लागी राजश्व अनुसन्धान कार्यालय कोहलपुर पठाइएको सशस्त्र प्रहरी नायब उपरिक्षक श्रेस्ठले जानकारी गराए । सामान धनगढी चटकपुर स्थित बालाजी बजरंग ट्रेड एण्ड सप्लायर्सको रहेको सशस्त्र प्रहरीले जनाएको छ ।
बालाजीले भारतबाट आयात गर्ने समानहरु भन्सार संगको मिलेमतोमा कम मुल्याकन गरी भित्र्याउने गरेको सूचना आएपछि सशस्त्र प्रहरीले ट्रक सहित सामान राजश्व अनुसन्धान कार्यालय पठाएको हो । सशस्त्र प्रहरीले ब्यारेलबाटै ट्रक सहित समान बरामद गर्दा चालक फरार भएको प्रहरीले जनाएको छ ।
