बैशाख १६ धनगढी । कैलाली र कञ्चनपुरमा विभिन्न आठ वटा स्थानबाट प्रहरीले अबैध सामान बरामद गरेको छ । कैलालीको धनगढी उप–महानगरपालिका वडा नम्बर–२ ट्राफिक चौराह, धनगढी उप–महमानगरपालिका वडा नम्बर–९ त्रिवेणीघाट, भजनी नगरपालिका वडा नम्बर–१ ठेगनपुर र कैलारी गाउँपालिका वडा नम्बर–४ के गाँउ जंलबाट करिब दुई लाख १२ हजार ३ सय ६० मूल्य बराबरको अबैध सामान प्रहरीले नियन्त्रणमा लिएको हो ।
प्याज, चिनी, सुर्ती, बिडी, चक्लेट, खानेतेल, मटर, इन्जिन तेल, फिल्टर, एक थान मोटरसाइकल शनिबार जिल्ला प्रहरी कार्यालयले नियन्त्रणमा लिएको बताईएको छ । त्यसैगरी कञ्चनपुरका विभिन्न चार स्थानबाट प्रहरीले अबैध सामान नियन्त्रणमा लिएको छ ।
कञ्चनपुर जिल्लाको भीमदत्त नगरपालिका वडा नम्बर–९ तुम्डेनी, बेलौरी नगरपालिका वडा नम्बर–२ बैजुडाडा, बेलौरी नगरपालिका वडा नम्बर–६ नकैया र बेलौरी नगरपालिका वडा नम्बर–१० भुडाबाट करिब ६१ हजार ३ सय ३० मूल्यको अबैध प्याज, चिनी, लेडिज सुट, कपडा, वाइरिङका सामान, जुत्ता, मोटरसाइकलका ट्युव, चेन, हार्डबेयर, किराना लगायतका सामान शनिबार प्रहरीले बरामद गरेको जानकारी गराएको छ ।
