असोज ०५ धनगढी । सुदूरपश्चिम प्रदेशका मुख्यमन्त्री खगराज भट्टले असोजको दोस्रो साता भित्रै बजेट ल्याउने तयारी भईरहेको बताएका छन् । चालु आर्थिक वर्ष २०८३÷०८४ को बजेट असोजको दोस्रो साता भित्रै ल्याउने तयारी भईरहेको मुख्यमन्त्री भट्टले बताएका हुन ।
बजेट निर्माणका लागि आवश्यक प्रक्रिया अघि बढिसकेको बताउदै मुख्यमन्त्री भट्टले विभिन्न राजनीतिक तथा प्रशासनिक विषय मिलाउन समय लागेपछि निर्धारित समयभित्र बजेट ल्याउन नसकिएको बताए ।
यसअघि उनले भदौ मसान्त भित्रै बजेट ल्याउने बताएका थिए । आर्थिक मामिला मन्त्रालयले बजेट तर्जुमा सम्बन्धी मार्गदर्शन सम्बन्धित मन्त्रालयहरूलाई पठाइसकेको उनलेब ताए ।
प्रदेश सरकारले असोज ७ गतेदेखि प्रदेशसभा सदस्यहरूबाट योजना सिफारिस लिने तयारी गरेको मुख्यमन्त्री भट्टले जानकारी गराउदै उनले तीन–चार दिनमा धेरैजसो काम पूरा हुने बताए ।
सुदूरपश्चिम प्रदेशमा चालु आर्थिक वर्ष सुरु भएको लामो समय बितिसक्दा पनि बजेट पारित हुन सकेको छैन । बजेट सम्बन्धी प्रक्रिया लामो समय देखि रोकिँदा प्रदेश सरकारको नियमित कार्यक्रम तथा विकास निर्माणका काम प्रभावित भएका छन ।
