असोज ०५ धनगढी । त्रिनगर–गौरीफन्टा नाकामा भारतबाट मालसामान बोकेर नेपाल प्रवेश गरेको गाडीले सशस्त्र प्रहरीको ब्यारेलमा ठक्कर दिँदा ब्यारेल भाँचिएको छ ।
आइतबार राति भारतबाट सामान लिएर नेपाल प्रवेश गर्दै गरेको मालवाहक गाडीले नाकामा राखिएको ब्यारेलमा ठक्कर दिदा ब्यारेल भाँचिएको हो ।
अन्य गाडीको तुलनामा उक्त गाडीको आकार ब्यारेल भन्दा ठूलो भएकाले केही भाग ठोक्किएर ब्यारेलमा क्षति पुगेको त्रिनगर स्थित सशस्त्र प्रहरी गणले जनाएको छ ।
भारतबाट नेपाल भित्रिने मालवाहक सवारीसाधन रातिको समयमा प्रवेश गर्ने क्रममा भएको सामान्य त्रुटिका कारण ब्यारेलमा ठक्कर लागेको सशस्त्र प्रहरीले जनाएको छ ।
घटनामा मानवीय र अन्य क्षति भने भएको छैन । ठक्करबाट भाँचिएको ब्यारेलको सोमबार मर्मत कार्य भएको सशस्त्र प्रहरीले जनाएको छ ।
