असोज ०४ कञ्चनपुर । कञ्चनपुरको बेलौरी नगरपालिका वडा नम्बर– ४ ले ज्येष्ठ नागरिक तथा एकल महिलालाई मुस्ताङको मुक्तीनाथ दर्शन गर्न लगेको छ ।
वार्षिक कार्यक्रम अन्तर्गत आइतबार वडा भित्रका ज्येष्ठ नागरिक, एकल महिलाहरू सहित ४१ जनालाई वडा नम्बर ४ ले मुक्तिनाथ दर्शनका लागि मुस्ताङ लगेकोे हो । तीर्थ जानुअघि बेलौरी नगरपालिकाका नगरप्रमुख पोतिलाल चौधरीले उनीहरुलाई बिदाइ गरेका थिए ।
उनीहरू सँगै उद्योग वाणिज्य संघ बेलौरीका अध्यक्ष, वडाका जन प्रतिनिधि, कर्मचारी, स्वास्थ्यकर्मी, स्वयंसेवक, पत्रकार सहित गएका छन् ।
वडा अध्यक्ष अर्जुन ढकालले वडा कार्यालय वडावासीको अभिभावक भएकाले तीर्थ गर्न रहर गरेका उमेरका नागरिकहरूलाई कार्यक्रम मार्फत तीर्थयात्रा गराइरहेको बताए ।
उनले यसरी वडाबाट तीर्थ लग्दा पर्यटन प्रवद्वनमा मद्दत पुग्ने समेत विश्वास गरेका छन् । बेलौरी नगरपालिकावडा नम्बर–४ ले यसअघि पटक पटक विभिन्न ठाउँमा तीर्थ घुमाउँदै आइरहेको थियो ।
यसअघि नगएकाहरूलाई प्रत्येक वर्ष लग्ने गरिएको वडा कार्यालयले जनाएको छ ।
