जेठ ११ डडेल्धुरा । डडेल्धुरामा रुखबाट खसेर एक जना शिक्षकको मृत्यु भएको छ । अजयमेरु गाउँपालिका वडा नम्बर– १ खतेडाकी ३७ वर्षीया शिक्षक लक्ष्मी भण्डारीको रुखबाट खसेर मृत्यु भएको हो ।
आफ्नै घर नजिक डालेघाँसको रुखमा स्याउला काट्ने क्रममा रुखबाट खसेर घाइते भएकी उनलाई डडेल्धुरा अस्पतालामा लगिएकोमा चिकित्सकले चेकजाँच गर्दा मृत घोषणा गरेका थिए । उनी घनघस्या माध्यमिक विद्यालयमा कार्यरत बालविकास शिक्षिका हुन ।
