जेठ ०७ धनगढी । कैलाली र कञ्चनपुरबाट खैरो हेरोइन सहित ८ जनालाई प्रहरीले पक्राउ गरेको छ । कैलालीको धनगढी उपमहानगरपालिका वडा नम्बर–३ चटकपुरबाट अवैध लागूऔषध खैरो हेरोइन १ ग्राम ७० मिलिग्राम सहित सोही ठाउँ बस्ने २० वर्षीय अंकित धामी समेत ६ जनालाई वुधबार दिउँसो प्रहरीले पक्राउ गरेको हो ।
जिल्ला प्रहरी कार्यालय कैलाली र लागूऔषध नियन्त्रण व्युरो शाखा कार्यालय धनगढीबाट संयुक्त रुपमा खटिएको प्रहरीले चेकजाँच गर्दा उक्त पदार्थ फेला पारी उक्त पदार्थ सहित उनीहरुलाई प्रहरीले पक्राउ गरेको जनाएको छ ।
त्यसैगरी कञ्चनपुरको दोधारा चाँदनी नगरपालिका वडा नम्बर–१ पशुपति टोलबाट अवैध खैरो हेरोइन ४ ग्राम ६ सय ८० मिलिग्राम सहित भीमदत्त नगरपालिका वडा नम्बर–४ भगतपुर बस्ने २७ वर्षीय विद्यान बिष्ट समेत २ जनालाई बुधबार बिहान प्रहरीले पक्राउ गरेको छ ।
इलाका प्रहरी कार्यालय दोधारा चाँदनीबाट खटिएको प्रहरीले उनीहरूलाई उक्त पदार्थ सहित पक्राउ गरेको जनाएको छ । घटना सम्बन्धमा प्रहरीले आवश्यक अनुसन्धान गरिरहेको जनाएको छ ।
