फागुन ०३ बाजुरा । बाजुराको हिमाली गाउँपालिका वडा नम्बर–६ मा पर्ने धुलाचौर अहिले मुख्य बजार बन्दै गएको छ । पहिले चौरका रूपमा रहेको धुलाचौरमा पछिल्लो समय पालिकाले प्रशासकीय भवन निर्माण गरेसँगै धुलाचौर मुख्य बजार बन्दै गएको हो ।
हिमाली गाउँपालिका वडा नम्बर–६, बोल्डिकका रामबहादुर रावतले आफ्नो घर बोल्डिक भएको बताउदै केही वर्षयता घर पहिरोको जोखिममा परेका कारण अहिले धुलाचौर आएर व्यापार गर्न थालेको बताए । पहिले धुलाचौरमा केही नभएको बताउदै उनले खाली ढुङ्गा मात्र भएको बताए । केहीले ब्याक्तिहरुले दुई÷चार टिनका टहरा लगाए पछि अहिले पालिकाको भवन निर्माण भएसँगै धुलाचौर मुख्य बजारका रूपमा स्थापना भएको बताए ।
अहिले धुलाचौरमाँ ठुलो बजार र्भएको बताउदै उनले हुम्ला, जुम्ला, मुगु लगायतका व्यापारीहरु व्यापार गर्न आउँन थालेको बताए । हुम्ला, जुम्ला, मुगु जिल्लामा प्राय धुलाचौर बजार देखि दैनिक खाद्यान्न सामग्री जाने गरेकोउनले बताए । अहिले धुलाचौर मुख्य बजारका रूपमा चिनिने गरेको उनले बताए । अहिले कुनै पनि सेवा सुविधा लिन समेत निकै सहज भएको बताउदै रावतले स्थानीयको रोजाइमा धुलाचौर बजार पर्ने गरेको बताए ।
हिमाली गाउँपालिकाका अध्यक्ष गोविन्दबहादुर मल्लले धुलाचौर अहिले हिमाली गाउँपालिकाको मुख्य बजारका रूपमा स्थापीत भएको बताए । छ वटै वडामा धुलाचौर देखि दैनिक खाद्यान्न सामग्री जाने गरेको बताउदै उनले त्यति मात्र नभई छिमेकी हुम्ला, जुम्ला र मुगु लगायतका जिल्लामा समेत धुलाचौरँदेखि खाद्यान्न सामग्री जाने गरेकोब ताए । पहिले पहिरोले उजाड बनेको धुलाचौर अहिले हजारौँ टिनका टहराले भरिभराउ भएको जानकारी गराउदै उनले लामबद्ध रूपमा रहेका टहराले अहिले धुलाचौरको महिमा बढाएको बताए ।
धुलाचौर क्षेत्र सरकारी जमिनमा पर्ने बताउदै उनले केही वर्ष पहिले देखि अधिकांश स्थानीय बाढी पहिरोको जोखिममा परेकाले उनीहरू अहिले त्यहाँ आएर बस्ने गरेको बताए । हिमाली गाउँपालिकाका सबै वडाका स्थानीयलाई धुलाचौरउपयुक्त भएकाले सबैको रोहबरमा पालिकाको प्रशासकीय भवन पनि निर्माण गरेको उनले बताए ।
स्थानीयको सुरक्षाका लागि अहिले अस्थायी प्रहरी चौकी समेत धुलाचौरमा स्थापना गरिएको उनले जानकारी गराए । स्थानीयलाई स्वास्थ्य सेवा दिन समेत सहज हुने गरेर प्राथमिक स्वास्थ्य चौकी पनि सञ्चालनमा रहेको उनले जानकारी गराए । धुलाचौरको सबै जमिन ऐलानी भएकाले त्यसलाई पालिकाको नाममा गर्न समस्या भएको बताउदै उनले त्यसका लागि अहिले सम्बन्धित ठाउँमा पहलकदमी गर्दै आएको अध्यक्ष मल्लले बताएका छन् ।
