माघ ०६ बाजुरा । आगामी प्रतिनिधिसभा सदस्य निर्वाचनका लागि बाजुरामा स्वतन्त्र सहित ८ जनाले मनोनय दर्ता गराएका छन् ।
मङ्गलवार सदरमुकाम मार्तडी स्थित मुख्य निर्वाचन अधिकृतको कार्यालयमा एक जना स्वतन्त्र र ७ जना दलका उम्मेदवार गरी ८ जनाले मनोनयन दर्ता गराएका हुन् ।
मुख्य निर्वाचन अधिकृतको कार्यालयका अनुसार तोकिएको समय भित्र आगामी निर्वाचनका लागि स्वतन्त्र उपेन्द्र शाही, राष्ट्रिय स्वतन्त्र पार्टी (रास्वपा) बाट हेमराज थापा, राष्ट्रिय प्रजातन्त्र पार्टीबाट केशर बहादुर शाही, नेकपा एमालेबाट लाल बहादुर थापाले मनोनय दर्ता गराएका हुन ।
त्यसैगरी प्रगतिशिल लोकतान्त्रिक पार्टीका दिपक कुमार डि.सी, नेपाली कम्युनिस्ट पार्टीबाट प्रकाश बहादुर थापा, नेपाली काँग्रेसबाट जनक गिरी र नेपाली कम्युनिस्ट पार्टी (माओवादी) बाट भुपेन्द्र ल्वारले मनोनयन दर्ता गराएको मुख्य निर्वाचन अधिकृत सञ्जीव पोखरेलले जानकारी गराएका छन ।
सम्पूर्ण उम्मेदवार तथा दलहरुलाई आगामी निर्वाचन शान्त र स्वच्छ तवरले सम्पन्न गन सहयोगका लागि पनि उनले अनुरोध गरेका छन् ।
