गाउ“गाउ“मा सहकारी घर घरमा भकारी भन्ने सरकारको नारा सान्दर्भिक भए पनि जनताले महशुस गर्न पाएका छैनन । देशभरी सहकारी खोल्ने होड चलेर बचतकर्ताको रकम ठगी गर्ने लहर भने चलेको छ । जसका कारण जनतालाई निरन्तर सेवा प्रबाह गर्दै आएका सहकारीलाई समेत समस्या हुने गरेको छ । सहकारीको नाम्मा ठगी धन्दा चलाउने ब्याक्तिहरुका कारण ईमानदार सहकारलाई समेत धक्का लागेको छ ।
थुुप्रै सहकारीका सञ्चालकहरुले जनताको बचत रकम लुटेर भागेका छन । तर त्यस्ता ठगीमा संलग्न व्यक्तिहरुलाई कारवाही अहिले सम्म हुन सकेको छैन । सहकारीका सञ्चालकहरुले जनताकोब चत रकम ठगी गर्दै जाने र उनीहरुलाई कारबाही नहु“दा थप ठगी गर्ने सहकारीहरु थपीदै गएका छन । सहकारी संस्थाले बचतकर्ताको बचत ठगी मात्र गरेका छैनन कर्जा लिएका ब्याक्तिहरुलाई समेत सताउने गरेका छन ।
सहकारीले गर्दा केही सहज भए पनि कतीपयका घरबास उठीबास समेत भएका छन । बचतकर्ताहरुलाई ठगी गर्ने सहकारीका सञ्चालकलाई कारबाहीको दायरामा ल्याउन जरुरी छ । उनीहरुको घर घरानाबाट असुल उपर गर्न जरुरी छ । उनीहरुबाट असुल गर्न नसकिए राज्यले बचत रकम फिर्ता गर्न जरुरी छ ।
सरकारले अनुमती दिएर सञ्चालन भएका संस्थाहरुले ठगी गरे सञ्चालकबाट असुल गर्न नसकेको अबश्थामा राज्यले त्यो क्षतीपूर्ती गर्न सक्ने हुनु पर्छ । ठगी गर्नेहरुलाई कारबाही हुन नसक्दा बचतकर्ताहरुको रकम डुबदै गएको छ भने सहकारी माथीको विश्वास टुटदै गएको छ ।
त्यसैले सम्बन्धीत निकायले त्यस्ता ठगी गर्ने सहकारीका सञ्चालकहरुलाई कारबाही गर्न जरुरी छ । गाउ“गाउ“मा सहकारी घर घरमा भकारीको नारालाई सार्थक बनाउन सहकारीलाई ब्यबश्थीत गरी जनताको बचतलाई सुरक्षित बनाउन जरुरी छ । ठगी गर्ने जोकोही भए पनि कारबाहीको दायरामा ल्याएर जनताको बचत फिर्ता गर्ने बाताबरण सरकारले बनाउन जरुरी छ । बैक जस्तै सहकारीमा पनि ढुक्कसंग जनताको बचत सुरक्षित हुने गरी सरकारले ब्याबश्था गर्न जरुरी छ ।
