पौष १२ नगढी । प्रेस सेन्टर नेपालका केन्द्रीय उपमहासचिव हर्क सिंह प्रपाला हरिसलाई नेपाली कम्युनिस्ट पार्टी कैलालीले प्रतिनिधि सभा निर्वाचनका लागी कैलाली क्षेत्र नम्बर ५ बाट समानुपातिक सदस्यमा सिफारिस गरेको छ । प्रपालालाई नेपली कम्युनिष्ट पार्टीले अल्पसङ्ख्यक तथा लोपउन्मुख कलष्टरबाट समानुपातिक सदस्यमा सिफारिस गरेको हो ।
नेकपा कैलालीले जिल्लाका सबै क्षेत्रबाट प्रत्यक्ष तथा समानुपातिकमा आकांक्षा राख्नेहरूको अन्तिम नाम टुङ्ग्याउँदै केन्द्रमा सिफारिस गरेको छ । फागुन २१ गते हुने प्रतिनिधि सभा निर्वाचनका लागी दलहरूले उम्मेदवार छनौट र सिफारिसको कार्य गर्दै आएका छन । समानुपातिकमा सिफारिस भएपछि प्रपालाले आफ्नो पार्टी प्रतिको त्यागलाई मुल्याकंन गर्दै समानुपातिकमा सिफारिस गरेकोमा सम्पूर्ण नेता पक्तीलार्ई धन्यवाद ज्ञापन गरेका छन ।
आफूले कम्युनिस्ट आन्दोलनको विरासतलाई जोगाउँदै सु–शासन न्याय र विकाससँग जोडिएरअगाडी बढेको बताउदै प्रपालाले अझै सक्रिय भएर लाग्ने प्रतिबद्धता जनाएका छन । भ्रष्ट्राचार विरुद्ध उभिँदै सुशासनका पक्षमा आपनो आवाज बुलन्द गर्ने उनले बताएका छन । प्रपालाले आफ्नो राजनीतिक यात्रा तत्कालीन नेकपा माओवादी निकट विद्यार्थी सङ्गठन अनेरास्ववियु (क्रान्तिकारी) बाट सुरु गरेका हुन ।
परिवर्तनमुखी राजनीति र जनपक्षीय विचारलाई आत्मसाथ गर्दै उनी लामो समयदेखि पत्रकारिता क्षेत्रमा क्रियाशील रहेका छन । पछिल्ला करिब दुई दशक देखि पत्रकारिता क्षेत्रमा सक्रिय प्रपालाले करिब १७ वर्षदेखि एभिन्युज टेलिभिजन सुदूरपश्चिम ब्युरो मार्फत सञ्चार क्षेत्रमा उल्लेखनीय योगदान दिँदै आएका छन । उनी नेकपा माओवादी निकट प्रेस सेन्टर कैलालीका पूर्व अध्यक्ष समेत हुन् भने हाल प्रेस सेन्टर नेपालका केन्द्रीय उपमहासचिवको जिम्मेवारीमा कार्यरत रहेका छन ।
अन्याय, अत्याचार र विभेदविरुद्ध सशक्त आवाज उठाउँदै आएका प्रपाला लोकतान्त्रिक व्यवस्था, समावेशी प्रतिनिधित्व र सामाजिक न्यायको पक्षमा दृढतापूर्वक उभिने व्यक्तित्वका रूपमा चिनिन्छन् । पत्रकारिता र राजनीतिक सक्रियतासँगै उनी सामाजिक सेवाका क्षेत्रमा समेत निरन्तर सक्रिय रहँदै आएका छन । उनको उम्मेदवारी सिफारिसलाई समावेशी लोकतन्त्र सुदृढीकरण र जनआवाजको सम्मानका रूपमा हेरिएको छ ।
