पौष १० बझाङ । बझाडका पत्रकाहरुलाइ पहिलो पटक विज्ञान लेखन सम्वन्धी ३ दिने तालिम दिईएको छ । बझाङका पत्रकारहरुलाई समाचार वा अन्य समग्रीको बैज्ञानिकता र तथ्य जाच र सत्य तथ्य कुरा जनताले बुझने गरी सरल नेपाली भाषामा सम्प्रेशण गर्न सक्ने बनाउने उद्देश्यले तालिम दिईएको हो ।
नेपाल विज्ञान तथा प्रविधि प्रज्ञा प्रतिष्ठान नाष्ट काठमाण्डौको आयोजनामा पुस ७ गते देखि सरदमुकाम चैनपुरमा तालिम दिईएको हो । तालिम समापन कार्यक्रममा बोल्दै नाष्टका मुख्य प्रवर्धन अधिकृत तथा प्रचार महाशाखा प्रमुख लुना ब्रजले समापन पत्रकारले सत्य तथ्य समाचार सम्प्रेषण गरेर बिज्ञान र समुदायको बिचको पुलको काम गर्नेमा आफु बिश्वस्त रहेको बताए ।
नेपाल विज्ञान तथा प्रविधि प्रज्ञा प्रतिष्ठान (नास्ट) का मुख्य वैज्ञानिक अधिकृत डा. भोजराज पन्तले विकसित विज्ञान र प्रविधिको समयमा विज्ञान पत्रकारिताको अति आवश्यकता भएकाले तालिम आयोजना गरिएको बताए । नास्टले जैविक स्रोत, पर्यावरण, भौतिक तथा प्राकृतिक, सौर्य, जैविक र वायु ऊर्जा, अन्तरिक्ष लगायतमा अनुसन्धान गर्ने भएकाले विज्ञान पत्रकारिताको आवश्यकता भएको डा. पन्तले बताए ।
विज्ञान तथा प्रविधि प्रज्ञा प्रतिष्ठानका मुख्य वैज्ञानिक अधिकृत डाक्टर भोजराज पन्तको सभा अध्यक्षतामा सूरु भएको तालिमको उद्घाटन सत्रमा जयपृथ्वी नगरपालिका प्रमुख चेतराज वजाल, प्रमुख अतिथि रहेका थिए । संविधान सभा सदस्य चन्द्रा जोशी,जिल्ला समन्वय समिति उपप्रमुख कृष्ण विष्ट , सहायक प्रमुख जिल्ला अधिकारी सत्य कुमारी जोशी, नागरिक समाजका अगुवा दिर्घराज उपाध्याय,पत्रकार महासङ्घका अध्यक्ष डिवी विष्ट, शिक्षा समन्वय प्रमुख सुरेन्द्र कठायत , पत्रकार लागएतको उपस्थिती रहेको थियो ।
उद्रघाटन कार्यक्रममा बोल्ने बक्ताहरुले सत्य तथ्यमा आधारित समाचारसंगै समृद्व समाज निर्माणका लागि तालिमले सहयोग पु¥याउने बताएका थिए । उनीहरूले प्रविधिको विकाससँगै पत्रकारहरूले पनि आफ्नो क्षमता विकासमा जोड दिदै विषयगत ज्ञान हासिल गर्नका लागि इच्छुक हुनुपर्ने बताएका थिए ।
कार्यक्रममा पत्रकारलाई विज्ञान तथा प्रविधि पत्रकारिता, विज्ञानको महत्व सम्वन्धी समाचार लेखन, पत्रकारिता मार्फत विज्ञानको बारेमा सर्वसाधारणलाई जानकारी गराउने, वास्तविक तथ्यपरक र सत्य अनि सन्तुलित समाचार लेखन, विज्ञान सञ्चारको आधारभूत अवधारणा, पत्रकारहरुको दृष्टिकोण लगायतका विषयमा बरिष्ट पत्रकार प्रशिक्षक डाक्टर प्रयन पोखरेल र खोज पत्रकार अरुण कार्कीले सहजीकरण गरेका थिए ।
तालिमले विज्ञान पत्रकारितामा थप अब्बल बनाउँदै डिजिटल युगमा पत्रकारिताको महत्वलाई बुझाउन तालिमले महत्वपूर्ण भूमिका खेल्ने उनीहरुले बताएका थिए । कार्यक्रमका अतिथिहरुलाइ मायाको चिनो प्रदान गरिएको थियो भने तालीममा सहभागी पत्रकारलाइ प्रमाण पत्र प्रदान गरीएको थियो ।
