मान्छेहरुले अपाङ्गता भएका ब्याक्तिहरुलाई हेर्ने दृष्टिकोण अझै बदलिन सकेको छैन । फरक क्षमताका उनीहरुलाई हामी सबैले सम्मान गर्न जरुरी छ । अपाङ्गता भएका व्यक्तिहरुको अपनत्व र सहभागीता हरेक क्षेत्रमा हुन जरुरी छ । ३४ औ अन्र्तराष्ट्रिय अपाङगता दिवस देशभरी मनाई रहदा अझै अपाङगता भएका ब्याक्तिहरुले समस्या झेल्नु परेको अबश्था छ ।
त्यसैले ह।ेक बर्ष डिसेम्बर ३ मा मनाईने दिवसलाई सार्थक तुल्याउन देश भरीका अपाङ्गता भएका ब्याक्तिहरुका सवाललाई समेटेर सरकारले उनीहरुको हितमा नीति बनाउन जरुरी छ । अपाङ्गता भएका नागरिकहरु अन्य नागरिक सरह समान आधारमा शिक्षा, स्वाथ्य, रोजगारी सामाजिक सुरक्षा सहभागिता विभेद रहीत र स्वाभिमान पूर्ण रुपमा समाजमा जिउन पाउनु पर्छ भन्ने चेतनाको विकास गराउने खालका सन्देशमुलक कार्यक्रमहरु गर्न जरुरी छ ।
साच्चिकै अपाङ्गता भएका ब्याक्तिहरुको अधिकारको ग्यारेण्टी गर्न सक्ने गरी सरकारले काम गर्न जरुरी छ । अपाङ्गता भएका व्यक्तिहरुका सवालहरु मानव अधिकार संग मात्र नभएर विकासका विभिन्न सवालहरुसंग पनि प्रत्यक्ष्य रुपमा जोडिएको हुनाले अपाङ्गता सम्बन्धी नियम कानुन निमार्ण देखि लिएर विकासका हरेक प्रक्रियामा समेत अपाङ्गता सवालको समावेशिता हुनु वर्तमान समयको आवस्यकता पनि हो ।
सरकार,नागरिक समाज र अन्र्तराष्ट्रिय समुदायबाट जतिनै अपाङ्गता क्षेत्रको विकासको प्रयास गरिएको भएता पनि अर्झै अपाङ्गता भएका ब्याक्तिहरुको हितका लागी कार्य हुन सकिरहेको छैन । कानुनी तथा नितिगत अवरोध, भौतिक अवरोध र संचार संम्बन्धि अवरोधका कारण अपाङ्गता भएका व्यक्तिहरु आधारभूत आवश्यकता र मानव अधिकारको सम्मान उपयोगबाट वञ्चित भईरहेका छन् । अपाङ्गता अधिकार ऐन २०७४ अनुसार नेपालमा रहेका १० प्रकारका अपाङ्गता भएका ब्याक्तिहरुलाई राज्यको मूलधारमा ल्याउन जरुरी छ् ।
