मंसिर १४ धनगढी । सुदूरपश्चिम प्रदेशमा एमालेको एघारौँ महाधिवेशनका लागि ८ वटा जिल्लाबाट महाधिवेशन प्रतिनिधि छनौट गरिएकोे छ । डोटी बाहेक सुदूरपश्चिाम प्रदेशका ८ वटा जिल्लाबाट महाधिवेशन प्रतिनिधि छनौट गरिएकोे हो ।
बाजुरा, डडेलधुरा, बैतडी, दार्चुला, बझाङ र कैलाली–२ र ३ मा शनिवार सर्वसम्मत रूपमा प्रतिनिधि चयन गरिएको थियो भने कैलाली निर्वाचन क्षेत्र नम्बर १, ४,५ र कञ्चनपुरका तीनवटै निर्वाचन क्षेत्रमा मतदान प्रक्रियाद्वारा प्रतिनिधि चयन गरिएको थियो । डोटीबाट प्रतिनिधि चयन गर्न बाँकी रहेको छ ।
१० जना प्रतिनिधि छनौट गर्नुपर्ने डोटीमा ४३ जना आकांक्षीले उम्मेदवारी दिए पछि मतदान प्रक्रियामा नगई सहमतिमा टुंगो लगाउन पदाधिकारीलाई जिम्मेवारी दिइएको नेता–कार्यकर्ताहरूले बताएका छन । बझाङमा ऐन महर समूह र भैरवबहादुर सिंह समूहबीच बेग्लाबेग्लै समूह बनेपछि शनिवार प्रतिनिधि चयन टुंगो लाग्न सकेको थिए । शनिवार दिनरातको प्रयासमा सहमति नभए पनि आइतबार सहमति भएको नेता–कार्यकर्ताहरूले बताएका छन् ।
कैलालीमा मतदान भएका निर्वाचन क्षेत्रमध्ये क्षेत्र नम्बर ४ र ५ मा लेखराज भट्ट र कर्ण थापा समर्थक एकातिर र अर्कोतिर दामोदर भण्डारी समर्थक समूह बनेको थियो । अत्तरिया क्षेत्र नम्बर ४ को मतदान नतिजामा ६ जना भट्ट–थापा समूहका विजयी भएका छन् ।
यता धनगढी निर्वाचन क्षेत्र नम्बर ५ मा भएको मतदानमा दामोदर भण्डारी पक्षका एकलौटी प्रतिनिधि चयन भएका छन् । त्यसैगरी कञ्चनपुरका तीनवटै निर्वाचन क्षेत्रमा भएको मतदानमा नेताहरू कमला बोहरा, नरबहादुर धामी र राजेन्द्रसिंह रावल एकातिर र अर्कोतिर दीपकप्रकाश भट्ट, निरु पाल, तारा लामा, पल्लवराज भट्ट लगायतका नेताहरूको समूह बनेको थियो ।
त्यसरी भएको मतदानमा सबै निर्वाचन क्षेत्रबाट दीपकप्रकाश भट्ट, निरु पाल, तारा लामा, पल्लवराज भट्ट समूह समर्थक प्रतिनिधि एकलौटी रूपमा निर्वाचित भएको स्थानीय नेता–कार्यकर्ताहरूले बताएका छन । बाजुरा, बैतडी, डडेलधुरा, दार्चुलामा अधिकांश प्रतिनिधि केन्द्रमा ओली समर्थक नै चयन भएको एमाले नेता–कार्यकर्ताले बताएका छन् ।
‘कर्ण थापाको गृह जिल्ला बाजुरामा १६ जना प्रतिनिधि मध्ये अध्यक्षमा खुलेरै ईश्वर पोखरेललाई मतदान गर्ने ३ जना मात्र चयन भएका छन्, । बाजुरास्थित एक जना एमाले नेताले अन्य पदाधिकारीहरूमा प्रदेशभरिकै प्रतिनिधिहरूको मत बाँडिएर जाने देखिएको बतायका छन ।’
