जीवन सोचे जस्तो खोजे जस्तो र रोजे जस्तो कहा हुन्छ र ? जीवनका हरेक पाईलामा कष्ट छ आन्नद छ र दुख पीडा छ । त्यसैले त भनिन छ जीवन संघर्ष हो । जीवनमा प्रगति गर्नुछ भने चुनौतीको सामना गर्न सक्ने आँट पनि गर्नु पर्छ । आज थुप्रै यस्ता मानीस्हरु छन जसले प्रगतीको सपना त देख्छन तर चुनैतीको सामना गर्न सक्ने आँट गर्न सक्दैनन ।
मासु खान चाहान छन तर रगत देख्न चाहानन । मानव जीवनमा चुनौती नभएको कामै हुँदैन । गाडी चढ्दा दुर्घटना हुन सक्छ । ब्यापार गर्दा घाटा हुन सक्छ यस्तै अन्य हुन सक्छ । खेती गर्ने किसानले हलो नजोतेर उब्जनी हुन सक्दैन । अस्पतालका डाक्टरहरुले उपचार नगरे हामी स्वस्थ रहन सक्दैनौ । सबैले आ आफ्नो काम गर्दै आएका छन गर्नु पनि पर्छ । तर सबै काममा संघर्ष र चुनौतीहरु छन । ती चुनौतीहरुको साममना गरेर अगाडी बढ्नु नै जीवन हो ।
जीवन सबैको एउटै हुन्छ । तर पनि मान्छे आफ्नो जीवनलाई मात्र महत्व दिन्छ । जस्तै आफ्नो जीवन हो अरुको पनि हो भन्ने बुझेर सबैले ब्याबहार देखाउन सके देशमा हत्या हिंसा बलात्कार जस्ता घटनाहरुको नामै रहने छैन । मात्र हामी जीम्बेवार बन्न आवश्यक छ । अरुलाई जे पनि गर्दा हुन्छ भन्ने सोचको अन्त्य गर्न आवश्यक छ । मान्छे सबैले संघर्ष गर्छ तर आफ्नै लागी गर्छ । अरुको लागी पनि संघर्ष गर्न सके समाज आफै परिबर्तन हुन्छ ।
देश त्यतीकै बन्छ । त्यसैले ब्याक्तिगत स्वार्थलाई त्यागेर सामुहिक स्वार्थमा लाग्यौ भने जीवनमा गरेको संघर्ष सार्थक हुने छ । जीवन संघर्ष हो भन्ने कुराको पुष्टि हुने छ । आफनै लागी त जनावरले पनि संघर्ष गर्छ । त्यसैले समाजका लागी संघर्ष गर्न जरुरी छ । जीवनको अर्को नाम संघर्ष भएकाले संघर्ष गर्न आवश्यक छ ।
