आजकाल फेसबुक म्यासेन्जर जस्ता सामाजिक सञ्जालको दुरुपयोग बढ्दै गएको छ । जसका कारण साईबर अपराधका घटनाहरु पनि बढ्दै गएका छन । ब्याक्तिगत रिसिवीका कारण चरित्र हत्या गर्ने कार्यहरु हुदै आएका छन ।
ठगीका घटनाहरु पनि बढ्दै गएका छन । नेपाली समाजमा साईबर अपराध र अनलाइन ठगीका घटनाहरु बढ्दै गएकाले नागरिकले सचेत हुन जरुरी छ । साईबर अपराधको जालो फैलिदै जानु र अपराधीलाई कारबाहीको दायरामा ल्याउन नसक्नुले साईबर अपराधका घटनाहरु बढ्दै गएका छन ।
चिन्दै नचिनेका ब्याक्तिहरुले चिट्टा परेको भन्दै विभिन्न प्रलोभन देखाउने र लुटने कार्य हुँदै आएका छन । त्यती मात्रै होईन महिलाहरुलाई भिडायोकल गरी अश्लील हर्कतहरु गर्ने र फोटोसंग अश्लील तश्बीरहरु जोडेर बल्यामेल गर्ने कार्यहरु हुने गरेका छन । ग्रामीण क्षेत्रका साक्षरतामा कमजोर समुदायका सोझा नागरिक मात्र नभएर पढेलेखेका नागरिक पनि साईबर अपराधका शिकार हुन गरेका छन ।
घरमा बसीबसी लाखौंलाख कमाइ हुन्छ, दुःख गर्नै पर्दैन भन्ने जस्ता आकर्षक प्रलोभनहरू देखाएर ठगहरूले ठगी गर्ने गरेका छन । राज्य संयन्त्र साइबर अपराध प्रति सचेत नभए हजारौं ब्याक्तिहरु साईबर अबपराधका शिकार बन्ने निश्चित छ । नेपालमा नेटवर्किङ ठगी मात्र नभई सामाजिक सञ्जाल मार्फत ब्याक्तिहरुको चरित्र हत्या गर्ने देखि अश्लिलताका कारण मर्न बाध्य बनाएका उदाहरणहरु पनि छन ।
ठगहरूको दुस्साहस र योजनाबद्ध अपराधको गम्भीरतालाई साइबर ब्युरोले मध्यनजर गर्नु जरुरी छ । जिल्ला जिल्लामा साईबर अपराध सम्बन्धी अनुसन्धान गर्ने बताबरण बनाउन आवश्यक छ । अनुसन्धानलाई तीव्र रुपमा अगाडी बढाएर साईबर अपराध गर्ने ब्याक्तिलाई अरु कसैले गर्न सक्ने आट नगर्ने गरी कारबाही गर्न जरुरी छ । कडा भन्दा कडा कारबाही गरी साइबर अपराधमा कमी ल्याउन जरुरी छ । स्वयं नागरिकले पनि साईबर अबराधबारे सर्तकता अपनाउन जरुरी छ ।
