मंसिर ०६ धनगढी । सुदूरपश्चिम प्रदेश सरकारको बेरुजु रकम दुई अर्ब ९८ करोड ४० लाख २० हजार पुगेको छ ।
महालेखा परीक्षकको प्रतिवेदन,२०८२ मा प्रदेश सरकारको बेरुजु दुई अर्ब ९८ करोड ४० लाख २० हजार पुगेको उल्लेख गरिएको छ ।
महालेखा परीक्षकको प्रतिवेदन २०८१ मा २७ करोड ६६ लाख ५१ हजार बेरुजु रहेकोमा २०८२ मा ५० करोड ७ लाख २३ हजार बेरुजु रहेको महालेखाको प्रतिवेदनमा उल्लेख गरिएको छ ।
त्यसैगरी २०८२ को प्रतिवेदनमा प्रदेश सरकारको असुल गर्नुपर्ने बेरुजु २० करोड ७५ लाख ६० हजार छ भने नियमित गर्नुपर्ने बेरुजु २२ करोड ४२ लाख १२ हजार रहेको छ ।
त्यसैगरी प्रदेश सरकारको पेश्की बाँकी रकम एक करोड ७६ लाख ९६ हजार रहेको प्रतिवेदनमा उल्लेख गरिएको छ ।
प्रतिवेदनमा ४४ करोड ९४ लाख ६८ हजार बेरुजु प्रदेश सरकार मन्त्रालय र मातहतका कार्यालयको छ भने अन्य संस्था र समितितर्फ ५ करोड १२ लाख ५५ हजार बेरुजु रहेको छ ।
अन्य संस्था र समितितर्फ एक करोड ५ लाख ६१ हजार असुल गर्नुपर्ने बेरुजु छ भने नियमित गर्नुपर्ने तीन करोड ८३ लाख ६६ हजार तथा पेश्की बाँकी २२ लाख ९८ हजार रहेको छ ।
