मान्छे जन्मेपछि मृत्यु निश्चित छ । त्यसैले र्मतयुको सार्थक अर्थ बुझन जरुरी छ । जन्म र मृत्यु एउटा प्रकृया हो । दैनिक मान्छेहरु जन्मने र मर्ने क्रम पनि निरन्तर चलीरहेको छ । तर मानछे पच्छिे मृत्यु फरक फरक हुने गरेको छ । आफ्नो घर परिवारका लागी काम गरेर मर्ने मान्छे र देश र जनताका लागी काम गरेर मर्ने मान्छेको मृत्युमा फरक छ ।
देश र जनताका लागी लडेर मर्नु मृत्यु पर्यन्त पनि बाचीरहने मृत्यु हो । जनपक्षीय पत्रकार,कवि तथा साहित्यकार कृृष्ण सेन (इच्छुक) पनि मृत्यु पर्यन्त पनि बाचीरहेका छन । उनको स्मृति दिवस हरेक बर्ष मनाउने गरिएको छ । यस बर्ष पनि उनको २४ औं स्मृति दिवस जेठ १३ गतेका दिन देशभर विभिन्न कार्यक्रम गरी मनाईएको छ ।
जनपत्रकार संगठन नेपालले देशका विभिन्न ठाउमा अन्तरक्रिया, छलफल, विचार गोष्ठी तथा पुस्तक विमोच जस्ता कार्यक्रम गरी कृृष्ण सेन (इच्छुक)को २४ औं स्मृति दिवस मनाएको छ । ‘कृष्ण सेन (इच्छुक)को स्मृतिका अवसरमा उनको योगदानको चर्चा गरिएको छ । आज भन्दा २४ बर्ष अघि २०५९ साल जेठ ६ गते काठमाण्डौको बत्तीस पुतली सडकबाट पत्रकार इच्छुकलाई गिरफतार गरी जेलमा चरम यातना दिएर जेठ १३ गतेका दिन महेन्द्र पुलिस क्वलवमा हत्या गरिएको थियो ।
जनताको पक्षमा कलम चलाएका कारण मृत्युबरण गर्न पुगेका कृष्णसेनलाई सबैले सम्झेका छन । उनको योगदानको बहादुरीको बखान गर्दै आएका छन । पत्रकारीता र साहित्य क्षेत्रमा उनको मृत्युले अपुरणीय क्षेती भएको छ । उनको रगतमा देशमा लोकतान्त्रीक गणतन्त्र आएको छ । देश संघियतामा गएको छ । तर पनि उनको अभाव खड्की रहेको छ ।
राष्ट्रका वैरीहरु विरुद्ध चट्याङ भएर गर्जिएका कारण कृष्ण सेन (इच्छुक)को कलमलाई बर्गबैरीहरुले तोप भन्दा खत्रानाक देखेर हत्या गर्नु कायरताको पराकाष्टा हो । इच्छुक एउटा महान आदर्श, कलमवीर, जनताको पत्रकार, साहित्यकार र कवि भएकै कारण प्रतिक्रियावादीहरुले जेलमै हत्या गर्नु े गम्भिर अपराध हो ।
त्यस्तो अपराध गर्नेहरुलाई कानुन अनुसार सजाय दिलाउन सबैले भूमीका खेल्न जरुरी छ । साहित्य विधाबाट कलमले लेखेका शब्दहरु बन्दुकको गोली भन्दा शक्तिशाली भएकाले इच्छुकको कलमलाई रोक्न बैरीहरुले चरम यातना दिएर हत्या गर्नु नेपालको कानुनको बर्खिलाप हो । कृष्ण सेन (इच्छुक)ले देखेको न्याय र समानताको सपना हामी बाचेकाहरुले साकार गर्न जरुरी छ ।
जनताको पक्षमा कलम चलाउदै प्रक्रियावादीहरुका कर्तुतहरु जनताको माझमा ल्याउदै न्याय र समानताको लडाई लड्न जरुरी छ । आजभन्दा २४ बर्ष अघि २०५९ जेठ १३ गतेलाई सम्झदै कृष्णसेन को विरताको गाथा कोर्न जरुरी छ । उनले हिडेको पथमार्ग पछ्याउदै हिडन जरुरी छ । २४ औ स्मृती दिवसको अबसरमा स्वर्गीय महान सहिद कृष्णसेन ईच्छुक प्रति हार्दिक श्रद्धाञ्जली अर्पण गदैछौ ।
