भिजिट भिसा प्रकरणमा गृहमन्त्री रमेश लेखकको नाम मुछीए पछि अहिले सर्बत्र उनको राजीनामाको माग उठी रहेको छ । सडक र सदनबाट गृहमन्त्रीको राजीनामाको माग भई रहेको छ । विपक्षी दलहरूले संसद अवरोध गर्दै आएका छन । राष्ट्रिय स्वतन्त्र पार्टीलगायतका दलहरुले राजीनामा माग गरिरहेका छन । संसदमै नारबाजी भएको छ ।
अखबारमा गृहमन्त्रीको भिजिट भिसा प्रकरणमा पत्यक्ष सम्लग्नता रहेको समाचारहरु आई सकेका छन । बजेटको समयमा संसद् अवरोध भईरहेकाले गृहमन्त्रीले राजीनामा दिएर मार्ग प्रशस्त गर्न बुद्धीमानी हुने छ । जेठ १५ गते संसदमा बजेट पेस गर्नुपर्ने संवैधानिक व्यवस्था भएकाले गृहमन्त्रीले त्यस अगाबै राजीनामा दिए सबैले प्रशंसा नै गर्नै छन । अरुलाई पर्दा जोरतोडले आवाज उठाएर कुर्लीने र आफुलाई आईपर्दा टालटुल गर्न खोज्नु केवल मुर्खता मात्र हुने छ ।
तत्कालीन गृहमन्त्री रविलमीक्षाने विरुद्ध प्रश्न उठ्दा नैतिकताको कुरा गरेर राजीनामा माग गर्ने बर्तमान गृह मन्त्रीले आफुमाथी प्रश्न उठ्दा राजीनामाको माग नआउदै राजीनामा दिनु पर्ने हो । गृहमन्त्रीले उल्टै आफ्नो बचाव गर्दै आएका छन । उनको चरित्र छताछुल्ल भईसकेको अबश्थामा अलिकती नैतिकता छ भने राजीनामा दिन उचित हुन्छ । ‘प्रमुख प्रतिपक्षी दल नेकपा माओवादी सहित विपक्षी दलहरुले मंगलबारको संसद बैठक अबरुद्ध गरेका छन ।
प्रमुख प्रतिपक्ष दलका बर्षमान पुनले सञ्चारमाध्यममा मात्र नभई घरघरमा त्रिभुवन अन्तर्राष्ट्रिय विमानस्थलमा भिजिट भिसाको नाममा करोडौ असुलेर मानव तस्करी गरिएको विषयको चर्चा भइरहेको संसदमै बताएका छन । उनले उक्त प्रकरणको निष्पक्ष छानबिनका लागि राजीनामा दिएर मार्ग प्रशस्त गर्न गृहमन्त्रीलाई आग्रह गरेका छन । राजीनामा नदिएसम्म संसद् बैठक अघि बढ्न नसक्ने उनले बताएका छन ।
राष्ट्रिय स्वतन्त्र पार्टीका सांसद शिशिर खनालले गृहमन्त्रीमाथि गम्भीर आरोप लागेकाले मार्ग प्रशस्त गर्न आग्रह गर्दै गृहमन्त्री पदमै रहेका बेला निष्पक्ष छानबिन हुन नसक्ने भएकाले निष्पक्ष छानबिनका लागि उच्चस्तरीय छानबिन आयोग गठन गर्नुपर्ने माग गरेका छन । गृह प्रशासनको नाकमुनि, त्रिभुवन अन्तर्राष्ट्रिय विमानस्थलमा भिजिट भिसाको नाममा निर्दोष नेपाली युवाहरूलाई लुटेर करोडौँको अवैध असुलीको ¥याकेट चलिरहेको घटना गम्भिर भएको बताएका छन ।
विभिन्न सञ्चारमाध्यमहरूमा गृहमन्त्रीको सचिवालयको प्रत्यक्ष संलग्नता रहेको समाचार प्रकाशित भएका छन । गृहमँत्रीको राजीनामा मात्र नभई संगठित ढंगले गरिएको भ्रष्टाचारको निष्पक्ष अनुसन्धान हुनु पर्ने माग गरिएको छ । संगठित अपराध र सम्पत्ति शुद्धीकरण संग जोडिएर हेर्नेगरी छानबिन गर्न उच्चस्तरीय छानबिन आयोग बनाउन माग गरिएको छ । अभियुक्तले जवाफ नभई अख्तियारमा बयान दिनुपर्ने आवाजहरु उठेका छन । राजीनामाको माग जायज भएकाले गृहमन्त्री रमेश लेखकले राजीनामा दिएर मार्ग प्रशस्त गर्न जरुरी छ ।
