फागुन १७ बैतडी । बैतडीको महाकाली भन्सार कार्यालय झुलाघाटले चालु आर्थिक बर्षको अहिले सम्म ६१ लाख २६ हजा राजस्व संकलन गरेको छ । भन्सार कार्यालय झुलाघाटले चालु आर्थिक बर्षको अहिले सम्म ६१ लाख २६ हजार रुपैयाँ राजस्व संकलन गरेको हो ।
महाकाली भन्सार कार्यालयका लेखापाल देवराज रानाले चालु आर्थिक बर्षमा १ करोड ३ लाख ५९ हजार रुपैयाँ राजस्व संकलन गर्ने लक्ष्य रहेको जानकारी गराउदै अहिले सम्म ६१ लाख २६ हजार रुपैयाँ राजस्व संकलन गरेको जानकारी गराएका हुन ।
गत बर्ष लक्ष्य भन्दा बढी राजस्व संकलन गरेको जानकारी ग राउदै उनले कार्यालयले यस बर्ष बढी लक्ष्य लिएको बताए । गत आर्थिक बर्षमा ५० लाख ८९ हजार राजस्व संकलनको लक्ष्य राखेको कार्यालयले ८६ लाख ८४ हजार ९० रुपैयाँ राजस्व संकलन गरेको उनले जानकारी गराए ।
लक्ष्य भन्दा बढी राजस्व संकलन भए पछि यस बर्ष लक्ष्य बढी तोकिएको रानाले बताए । यस बर्ष लक्ष्य अनुसार राजस्व संकलन हुने अवस्था नदेखिएको बताउदै उनले देशैभरी भन्सार कार्यालयहरुमा लक्ष्य अनुसार राजस्व संकलन हुन नसकेको बताए ।
महाकाली भन्सार कार्यालय झुलाघाटले भारतबाट आयातित वस्तुबाट राजस्व संकलन गर्दै आएको उनले बताए । झुलाघाट नाकाबाट निर्यात भने शून्य रहेको लेखापाल रानाले जानकारी गराए । झुलाघाट नाकाबाट कपडा, चप्पल,श्रृंगार, भाँडाकुडा लगायत सामग्री आयत हुँदै आएको उनले जानकारी गराए ।
