फागुन ०३ धनगढी । कैलालीका विभिन्न स्थानबाट सशस्त्र प्रहरीले १० करोड ८७ लाख ८३ हजार ५ सय ५३ रुपैया मूल्य बरारको अबैध सामान बरामद गरेको छ । गत वर्षको फागुन १ गते देखि २०८१ को माघ मसान्त सम्म सशस्त्र प्रहरीले १० करोड ८७ लाख ८३ हजार ५ सय ५३ रुपैया बरारको अबैध सामान बरामद गरेको हो ।
सशस्त्र प्रहरी बल कैलालीले पछिल्ला २ वटा आर्थिक वर्षको तुलनामा चालु आर्थिक वर्षमा बढी रकमको अबैध सामान बरामद गरेको हो । सशस्त्र प्रहरी बलको तथ्याङ्क अनुसार आर्थिक वर्ष २०७८÷०७९ मा तीन करोड ७० लाख २९ हजार एक सय ३८, २०७९÷०८० मा चार करोड १६ लाख ९१ हजार ६ सय ६३ र चालु आर्थिक वर्ष २०८०÷०८१ मा १० करोड ८७ लाख ८३ हजार पाँच सय ५३ रुपैयाँ अवैध भन्सार छलीको सामान जफत गरिएको हो ।
सशस्त्र प्रहरीले चैत, कात्तिक, मङ्सिर र पुस महिनामा एक करोड बढीको भन्सार छलीको सामान बरामद गरेको छ । गत फागुनमा ३१ लाख ३८ हजार ६२, चैतमा एक करोड ६ लाख ७३ हजार एक सय ७१, वैशाखमा ४५ लाख ७९ हजार नौ सय २३, जेठमा ७४ लाख ६१ हजार सात सय २४, असारमा ९२ लाख १७ हजार २ सय ५२, श्रावणमा ८९ लाख ९० हजार ६ सय ७०, भदौमा ८८ लाख ८८ हजार ७३, असोजमा ६४ लाख ९८ हजार तीन सय २७, कात्तिकमा एक करोड ५१ लाख ५५ हजार ६ सय ३४ रुपैयाँको भन्सार छलीको सामान बरामद गरिएको छ ।
त्यसैगरी मङ्सिर महिनामा एक करोड ६७ लाख सात सय ३१, पुस महिनामा एक करोड ६ लाख ६४ हजार एक सय ७३ र माघ महिनामा ६८ लाख १५ हजार आठ सय १३ रुपैयाँको भन्सार छलीको सामान बरामद गरिएको छ ।
सशस्त्र प्रहरी बल नम्बर ३४ गणका प्रमुख एसपी दलबहादुर पाण्डेले कैलालीमा नेपाल–भारत सीमा क्षेत्र एक सय एक किलोमिटर सम्म रहेको जानकारी गराउदै नेपाल–भारत सीमा क्षेत्रमा सशस्त्र प्रहरीले निगरानी बढाएको जानकारी गराए ।
सीमा अतिक्रमण रोक्न, अवैध ढंगले नेपाल–भारत प्रवेश गर्न नदिन, अवैध क्रियाकलाप नियन्त्रण गर्न, चोरी निकासी बन्द गर्न तथा सीमा क्षेत्रका नागरिकलाई सुरक्षाको प्रत्याभूति दिलाउन सशस्त्र प्रहरीले काम गरिरहेको जानकारी गराए । सशस्त्र प्रहरीले बोर्डर आउट पोस्ट बीओपीहरु स्थापना गरेर काम गर्दै सीमा क्षेत्रमा सशस्त्र प्रहरीले निगरानी बढाएको पाण्डेले जानकारी गराएका हुन ।
कैलालीको फूलबारी, भजनी र खक्रौला, भुइँयाफाँटा, बंगराकटान, जुगेडा, खोनपुर, हिक्मतपुर, श्रीलंकाटापुमा लगायतका क्षेत्रमा सशस्त्र प्रहरीले बीओपी स्थापना गरेको उनले जानकारी गराए ।
