प्रदिप मलासी,पौष १५ बझाङ्ग । नेपाली राजनितिकको मुलधारमा रहेका राजनितिक दलहरु यति बेला विभिन्न गुट उपगुटमा बिभक्त हुने र राजनितिक शक्ति जमाउने कार्यमा लागि रहेका बेला नेपालका युवाहरु पनि नेतृत्व तहमा पुग्ने अंकगणितिय खेलमा सक्रिय देखिन थालेका छन । राजनितिलाई परम्परागत शैलीमा चलाउने र युवालाई नेतृत्व सुम्पिन नचाहाने मनोबृति रहेकाले बृद्व नेताहरुको नेतृत्वमा प्रश्न उठाउने युवा नेताको संङख्यात्मक बृद्विका कारण पछिल्लो समयमा नेपाली राजनितिक पृष्ठमा पनि सरकार र पार्टीको नेतृत्वमा युवाहरुको नेतृत्व हुनु पर्ने युवाहरुको आवाज उठन थालेको छ ।
युवाहरुलाई बिदेश पस्न बाध्य हुने खालका सरकारका विभिन्न नीति योजनाले उतिकै पनि युवा वर्ग निराश देखिएका बेला युवा संक्रियताले मुलुकको स्वरुप बदल्न सकिन्छ भन्ने आशा पनि युवाका लागि नेतृत्व हतमा पहुँच बिस्तार गर्ने एक प्रकारको एजेण्डा बनेका बेला नेपाली राजनितिक को मुलधारमा रहेका नेपाली काँग्रेस, एमाले र माओवादीमा पनि युवा नेताहरुको सहभागिता निकै उत्साहजन देखिन थालेको छ ।
नेपाली काँग्रेसको १५ औ महाधिबेशनको पूर्व सन्ध्यामा अबको नेतृत्व कसले लिने भन्ने बिषयमा कार्यकर्ता तहमा होडबाजि चलिरहेका बेला नेपाली काँग्रेस बझाङ्गका महाधिबेशन प्रतिनिधि युवा नेता इश्वर मल्ल भने अबको काँग्रेस सभापति गगन थापा हुने ठोकुवा गरिरहेका छन । अब देश चलाउन पार्टीको नेतृत्व युवालाई सुम्पेर बुद्व नेताहरुले काँग्रेस बचाउन अभिभावकिय रुपमा सल्लाह दिनु आजको राजनितिक आवाश्यकता भएको उनले बताएका छन ।
गगन थापा जतिकै युवाले नेपाली काँग्रेसको सभापति भएर देश हाक्ने हिक्मत गर्नु नै लोकतन्त्र बलियो भएर जानू भएको उनले बताएका छन । नेपाली राजनितिकमा ७ दशक देखि एकै अनुहार राजनितिकमा देखिनाले जनतामा निराशापन आएकाले हरेक निर्वाचनमा स्वतन्त्र व्यक्तिको बिजय सुनिश्चित हुने भएकाले अबको काँग्रेस युवा नेतृत्वसंग नजिक भएको आभास गराउन भए पनि गगन थापा सभापति हुनु जरुरी भएको नेता मल्लले बताए ।
नेपाली काँग्रेस यस्तो पार्टी हो जसले २९ वर्षको उमेरमा बि पि कोईरालालाई पार्टी सभापतिको जिम्मा दिएर निरकुस राणा शासकका बिरुद्व लडेर ब्यवस्था परिवर्तन गर्न अग्रसर रहेको दल भएकाले गगन थापा सभापति बन्ने कुरामा कोहि कसैले कुनै आशंका गर्नु पर्ने अबस्था नरहेको नेता मल्लको जिकिर छ ।
नेपाल बिध्यार्थी संघवाट राजनितिक यात्रा शुभारम्भ गरेका युवा नेता इश्वर मल्ल नेपाल बिध्यार्थी संघ बझाङ्गका पूर्व जिल्ला अध्यक्ष , नेपाल बिध्यार्थी संघ बिश्वबिध्यालय समितिका पूर्व उपाध्यक्ष , १४ औ महाधिबेशन प्रतिनिधि , केन्द्रीय सदस्यका प्रत्यासी काँग्रेस भातृ संस्था नेपाल तरुण दलका वर्तमान केन्द्रीय सदस्य हुन ।
किशोरावस्था देखि राजनितिक बाटो छिचलदै अगाडि बढेका नेता मल्ल आउदो १५ औ महाधिबेशनमा भने गगन थापाको गुटवाट बझाङ्ग जिल्लाको पार्टी सभापति वा नेपाली काँग्रेसको केन्द्रीय सदस्यको उम्मेद्वार बन्ने गहिरो दाउ खोजि रहेका छन ।
