पौष १२ धनगढी । पार्टीबाट निष्कासन गर्ने केन्द्रीय सचिवालयको निर्णय विरुद्ध एमाले पूर्व उपाध्यक्ष भीम रावल औपचारिक प्रतिवादमा उत्रने भएका छन् । दुई–तीन दिन भित्र पत्रकार सम्मेलन गरेर आफूमाथि लागेका आरोपको खण्डन र प्रतिवाद गर्ने तथा आगामी कदम सार्वजनिक गर्ने उनको तयारी रहेको छ । पार्टीबाट निष्कासन गरिए पछि केन्द्रिय सदस्य झपट रावलले ‘हिजोका दिनमा अध्यक्षले नै पार्टीभित्र आन्तरिक लोकतन्त्रको अभ्यासको नीति अगाडि सारेको बताउदैे, अभ्यास पनि भएको बताए ।
अध्यक्षमा लडेकै कारण भीम रावललाई जिम्मेवारी विहीन बनाएर अन्ततः पार्टीविहीन बनाएर निकालेको बताए । गम्भीर र दुःखद निर्णय भएको बताउदै उनले रनवलको कारबाही आन्तरिक लोकतन्त्रको हिसाबले गलत भएको बताए । उक्त कारबाहीले सुदूरपश्चिममा मात्र नभई देशभरि ठुलो क्षति पुग्न सक्ने बताए । रावल पार्टी नछाड्ने पक्षमा भएको बताउदै उनले आफुहरुले पनि नछाड्न आग्रह गरिरहेको बताए ।
पार्टीबाटै निकालेपछि अब विकल्प नभएको बताउदै उनले पार्टीले निर्णय सच्याउने बाहेक अरू कुनै विकल्प नभएको बताए । भीम रावलमाथिको कारबाही भन्दा पनि पार्टीभित्र आन्तरिक लोकतन्त्रको वकालत गर्ने अध्यक्षले यस्तो अप्रिय निर्णय नसच्याए जीवनको उत्तराद्र्धमा मात्र होइन, इतिहासले अन्यथा मूल्यांकन गर्ला भन्ने ठुलो चिन्ता भएको बताए ।
विचार नमिल्नेहरूलाई पार्टी बलियो बनाउने भन्दै भित्र्याइरहेको बताउदै उनले रावललाई निकाल्दा विरोधीले सहजै आरोप लगाउने बताए । त्यसैगरी केन्द्रिय सदस्य तथा सुदुरपश्चिम प्रदश सरकारका पूर्व मन्त्री प्रकाश बहादुर शाहले पनि पार्टी निर्णयको बिरोध गरेका छन् । शाहले पार्टीको यो गलत निर्णय भएको बताए । निकै दुखद् निर्णय गरेको बताउदै उनले पार्टी एकताबद्ध भएर जानुपर्ने समयमा सहयोद्धालाई कार्वाही गरिनु गलत भएको बताए ।
त्यसैगरी सुदूरपश्चिम प्रदेश सरकारका पूर्ब मन्त्री कृष्णराज सुवेदीले भिम रावल जस्तो नेतालाई पार्टीबाट निस्कासन गर्नु केपी ओलीको निरकुंस र स्वेच्छाचारी कदम भएको बताएका छन् । पार्टीले भन्दा पनि केपी ओलीको निरकुंस र स्वेच्छाचारी निर्णय भएको बताउदै उनले तानासाही प्रवृती भएकोब ताए ।
सुदूरपश्चिमको राष्ट्रवादी नेतालाई कार्वाही गरिनु खेदजनक भएको उनले बताए । त्यसैगरी एमाले सुदूरपश्चिम प्रदेशका उप सचिव नर बहादुर बि.कले पनि भिम रावल माथीको कार्वाही गलत भएको बताए ।
