मंसिर १७ डोटी । डोटीको पूर्वीचौकी गाउँपालिका वडा नम्बर–६ को वडा अध्यक्षमा नेपाली कांग्रेसका मोहन थापा विजय भएका छन् ।
चार सय ६८ मत प्राप्त गरी थापा विजयी भएका हुन् । उनका निकटतम प्रतिद्वन्द्वी नेपाल कम्युनिष्ट पार्टी (एमाले)का देवबहादुर थापाले तीन सय एक मत प्राप्त गरेका छन ।
त्यसैगरी राष्ट्रिय स्वतन्त्र पार्टीका जानकी कुमारी खड्का (कुँवर)ले ३१ र नेपाल कम्युनिष्ट पार्टी (माओवादी केन्द्र)का देवीलाल थापाले २६ मत प्राप्त गरेका छन ।
निर्वाचन अधिकृत रुद्रमणि गिरीले दिएको जानकारी अनुसार कूल एक हजार पाँच सय ९३ मतदाता रहेको वडामा आठ सय ३९ मत खसेको थियो भने १३ मत बदर भएका थिए ।
यसअघि २०७९ सालमा सम्पन्न स्थानीय तहको निर्वाचनमा पनि वडा अध्यक्षमा नेपाली कांग्रेसका उम्मेदवार विजयी भएका थिए ।
