असार ०७ धनगढी । कैलालीको धनगढीबाट ब्रोइलर कुखुरा सहित अवैध सामान प्रहरीले बरामद गरेको छ । बिहीबार प्रहरीले अन्दाजी १ लाख ५० हजार ४ सय ४० रुपैया मूल्य बरारको अवैध सामान बरामद गरेको हो ।
धनगढी उपमहानगरपालिका वडा नम्बर –२ पुरानो भन्सार रोड, धनगढी उप–महानगरपालिका वडा नम्बर–३ मिलनचोक, धनगढी उपमहानगरपालिका वडा नम्बर–९ त्रिवेणीघाट, धनगढी उपमहानगरपालिका वडा नम्बर–१९ खेदाघाट, गोदावरी नगरपालिका वडा नम्बर–१ धनगढी रोड, टीकापुर नगरपालिका वडा नम्बर–९ बालुवाटार, भजनी नगरपालिका वडा नम्बर–७ हिम्मतपुर र कैलारी गाउँपालिका वडा नम्बर–७ हौसलपुरबाट अवैध रुपमा भारतबाट भन्सार छली ल्याएका उक्त मूल्य बराबरका सामान फेला परी प्रहरीले बरामद गरेको जानकारी गराएको हो ।
ब्रोइलर कुखुरा, माछा, चिनी, पेय पदार्थ, सुर्ती, बिडी, कुर्ती, मेक्सी, चप्पल, विषादी, कुरकुरे लगायतका सामानहरु जिल्ला प्रहरी कार्यालय कैलाली तथा मातहत कार्यालयबाट खटिएको गस्ती टोलीले फेला पारी नियन्त्रणमा लिएको प्रहरीले जानएको हो ।
