जेठ ३२ कञ्चनपुर । कञ्चनपुरका ९ वटा स्थानीय तहमा एक करोड देखि १० करोड सम्म बेरुजु देखिएको छ । महालेखा परीक्षकको कार्यालयले सार्वजनिक गरेको स्थानीय तहको अन्तिम लेखा परीक्षण प्रतिवेदनमा दोधारा चाँदनी, बेदकोट र शुक्लाफाँटा नगरपालिका बाहेक अन्य सबै स्थानीय तहको बेरुजु दुई करोड बढी देखिएको छ ।
भीमदत्त नगरपालिकामा गत वर्ष १० करोड ७१ लाख बेरुजु देखिएको छ । अघिल्लो वर्षको २६ करोड बेरुजुमा गत वर्ष थपिएर ३५ करोड ३९ लाख बेरुजु पुगेको हो । नियमति गर्नु पर्ने बेरुजु सबैभन्दा बढी ५ करोड ८२ लाख रहेको छ । त्यसपछि कागजात पेश गर्नु पर्ने ४ करोड ३४ लाख, ५२ लाख २६ हजार अशुल गर्न पर्ने बेरुजु रहेको छ ।
पुनर्वास नगरपालिकाको बेरुजु एक करोड ४८ लाख रहेको छ । महालेखाका अनुसार अशुल गर्नु पर्ने ८ लाख २१ हजार, कागजात पेश गर्न पर्ने ३४ लाख ५० हजार नियमति २३ लाख ९५ हजार र पेश्की ८२ लाख रहेको छ । नगरपालिकाको बेरुजु २० करोड २ लाख पुगेको छ । शुक्लाफाँटा नगरपालिकाको बेरुजु एक करोड ९१ लाख पुगेकोमा ५८ लाख फस्र्यौट भएर एक करोड ३३ लाख रहेको छ ।
यसमा अशुल गर्नु पर्ने ७४ लाख, कागजात पेश गर्नु पर्ने २२ लाख ७१ हजार, नियमित गर्न पर्ने ३६ लाख रहेको छ । नगरपालिकाको गत वर्षसम्मको बेरुजु ९ करोड ४६ लाख रहेको छ । त्यसैगरी लालझाडी गाउँपालिकाको बेरुजु ४ करोड ४४ लाख ५१ हजार रहेको छ । यसमा अशुल गर्न पर्ने १८ लाख ६० हजार, कागजात पेश गर्न पर्ने ४ करोड ९० लाख, नियमति गर्न पर्ने ११ लाख, पेश्की १ करोड २२ लाख रहेको छ । हालसम्म गाउँपालिकाको बेरुजु १५ करोड ५२ लाख रहेको छ ।
कृष्णपुर नगरपालिकामा गत वर्ष ४ करोड ८५ लाख २९ हजार बेरुजु देखिएको छ । त्यसमा ६३ हजार फस्र्यौट भएको छ । नियमित गर्न पर्ने सबैभन्दा बढी ३ करोड ९० लाख रहेको छ । त्यसपछि कागजात पेश गर्न पर्ने ५६ लाख, अशुल गर्न पर्ने १० लाख र ४ लाख पेश्की बेरुजु आएको छ । गत वर्षसम्म नगरपालिकाको बेरुजु हाल सम्म ३५ करोड ११ लाख पुगेको छ । दोधारा चाँदनी नगरपालिकाको बेरुजु एक करोड २१ लाख हेको छ ।
यसमा सबैभन्दा बढी अशुल गर्न पर्ने बेरुजु ६४ लाख रहेको छ । त्यसपपिछ कागजात पेश गर्न पर्ने २७ लाख ८८ हजार, नियमति गर्न पर्ने ५ लाख र पेश्की बेरुजु २३ लाख रहेको छ । हासम्म नगरपालिकाको बेरुजु २४ करोड ४२ लाख रहेको छ । बेलडाडी गाउँपालिकाको बेरुजु २ करोड ६८ लाख रहेको छ । यसमा सबैभन्दा बढी पेश्की बेरुजु एक करोड ६६ लाख रहेको छ । त्यस बाहेक अशुल गर्न पर्ने २८ लाख, कागजात पेश गर्न गर्ने ६१ लाख, नियमति गर्न पर्ने १३ लाख रहेको छ ।
गाउँपालिकाको हालसम्मको बेरुजु ९ करोड ३२ लाख पुगेको छ । बेलौरी नगरपालिकामा हालसम्मको बेरुजु २८ करोड १२ लाख पुगेको छ । यसमा गत वर्ष मात्रै ४ करोड १६ लाख थपिएको हो । महालेखाका अनुसार बेरुजुमा सबैभन्दा बढी कागजात पेश गर्न पर्नेमा २ करोड ११ लाख र पेश्कीमा एक करोड ६३ लाख रहेको छ ।
त्यसपछि अशुल गर्न पर्ने ३० लाख ४४ हजार र नियमति गर्न पर्ने २२ लाख रहेको छ । बेदकोट नगरपालिकामा २ करोड १० लाख बेरुजु आएकोमा ३३ लाख फस्र्याैट भएर एक करोड ७७ लाख रहेको छ । त्यसमा अशुल गर्न पर्ने १५ लाख १७ हजार, कागजात पेश गरी अशुल गर्ने १ करोड ५२ लाख, नियमति गर्न पर्ने ९ लाख र एक लाख पेश्की बेरुजु रहेको छ । नगरपालिकाको हालसम्मको बेरुजु १५ करोड ६ लाख पुगेको छ ।
