बैशाख १२ कञ्चनपुर । कञ्चनपुरका विभिन्न स्थानबाट दुई वटा ट्याक्टर सहित अबैध सामान बरामद गरिएको छ । कञ्चनपुर प्रहरीले दुई वटा ट्याक्टर सहित १५ लाख ९७ हजार ९ सय ३० रुपैया मूल्य बराबरको अबैध सामान बरामद गरेको हो ।
मंगलबार इलाका प्रहरी कार्यालय बेलौरीबाट खटिएको प्रहरी टोलीले बेलौरी नगरपालिका वडा नम्बर–८ बाट १४ लाख ६२ हजार मूल्य बराबरको भन्सार छलीको अबैध सामान बरामद गरेको हो । त्यसैगरी अस्थायी प्रहरी पोष्ट सुकासालबाट खटिएको प्रहरी टोलीले ५४ हजार ७ सय ३० रुपैया मूल्य बराबरको अबैध सामान बरामद गरेको हो ।
त्यसैगरी अस्थायी प्रहरी पोष्ट मझगाउँबाट खटिएको प्रहरी टोलीले पनि १० हजार र बुधबार इलाका प्रहरी कार्यालय गड्डाचोकीबाट खटिएको प्रहरी टोलीले भीमदत्त नगरपालिका वडा नम्बर–११ बाट ७१ हजार दुई सय मूल्य बराबरको अबैध सामान बरामद गरेको छ ।
दुई वटा ट्याक्टर, एक वटा साइकल, गहुँ, डिउ, चिनी, सुट, कुर्ती, लेडिज टि–सर्ट, धोती, मिश्री, तेल, प्याज, बिडी, सुर्ती, बिस्कुट, जिरा, गम्छा लगायतका अबैध सामान प्रहरीले नियन्त्रणमा लिएर भन्सार कार्यालयमा बुझाएको बताइएको छ । प्रहरीले अबैध सामान बरमद गरेको भए पनि संलग्न व्यक्तिलाइ नियन्त्रणमा लिन सकेको छैन् ।
