चैत्र २३ धनगढी । मोहनापुल–अत्तरिया ६ लेन सडक निर्माणको जीम्मा पाएका निर्माण कम्पनीहरूको नाम्मा बेरुजु देखिएको छ । एक अर्ब ८४ करोडमा १४ दशमलव २ किलोमिटर लामो सडक निर्माणको जीम्मा पाएका तिन वटै निर्माण कम्पनीहरूको बेरुजु देखिएको हो । एउटै खण्डमा एक करोड ५० लाख भन्दा बढी बेरुजु देखिएको मोहनापुल–अत्तरिया ६ लेन सडक आयोजना कार्यालयका प्रमुख रामबहादुर गुरुङले जानकारी गराए । उनले बेरुजु फच्र्छौटका लागि पठाएको जानकारी गराउदै फच्र्छौट भएन भने ठेकेदार कम्जनीले तिर्नु पर्ने बताए ।
२०७४ सालमा ठेक्का सम्झौता भएको उक्त सडकमा एक अर्ब ८४ करोडमा १४ दशमलव २ किलोमिटर लामो सडक २ वर्षमा निर्माणका लागि तीन खण्डमा ठेक्का सम्झौता भएको उनले जानकारी गराए । मोहनापुल देखि बोराडाँडी सम्मको चार दशमलव पाँच किलोमिटरमा शर्मा अमर नागार्जुन जेवी, बोराडाँडी देखि गेटाको आरपी प्लोर मिल सम्मको चार दशमलव पाँच किलोमिटर सडक लामा राजेन्द्र डाँफेले र प्लोर मिल देखि अत्तरियाम्मको पाँच दशमलव १ सइ ९७ किलोमिटर सडक राजेन्द्र डाँफे जेवीले निर्माण गरेको उनले जानकारी गराए ।
बोराडाँडी देखि गेटाको आरपी प्लोर मिल सम्मको चार दशमलव पाँच किलोमिटर सडक निर्माण गरेको निर्माण कम्पनी लामा राजेन्द्र डाँफेले १२ लाख बढी रकम फिर्ता गर्नु पर्ने देखिएको उनले जानकारी गराए । निर्माण कम्पनीले ठेक्का सम्झौता अनुसार काम नगरे पछि रकम फिर्ता गर्नु पर्ने देखिएको उनले बताए । मोहनापुल–अत्तरिया ६ लेन सडक अन्तर्गत शाखा सडक कालोपत्र तथा ग्राभेल लगायतको काम निर्माण कम्पनीहरूले नगरेको उनले बताए ।
त्यसैले निर्माण कम्पनीहरूको नाममा बेरुजु देखिएको उनले जानकारी गराए । पाउने भन्दा पनि तिर्नुपर्ने देखिएको बताउदै उनले शर्मा अमर नागार्जुन जेबीले झण्डै ६० लाख र राजेन्द्र डाँफे जेबीले झण्डै ५० लाख रुपैयाँ पाउन बाँकी रहेको जानकारी गराए । तर, लामा राजेन्द्र डाँफेले १२ लाख बढी रुपैयाँ आयोजनालाई फिर्ता गर्नुपर्ने देखिएको उनले जानकारी गराए । मोहनापुल–अत्तरिया ६ लेन सडक आयोजना कार्यालयका प्रमुख रामबहादुर गुरुङले एक करोड ५० लाख भन्दा बढी एक खण्डको बेरुजु रहेको जानकारी गराए ।
उनले नेपाल राष्ट्र बैँकका कारण बेरुजु बढी देखिएको बताए । मोहनापु–अत्तरिया ६ लेन सडकको काम गरेका निर्माण कम्पनीहरूले हस्तान्तरणका फाइलहरू आयोजना कार्यालयमा बुझाएको बताउदै उनले आयोजना कार्यालयले बेरुजु रकम तिर्न बाँकी रहेकाले मन्त्रालय हुँदै महालेखाको कार्यालयमा फाइल पठाउने तयारी गरेको जानकारी गराए ।
