भदौ ०२ काठ्माण्डौ । पछिल्लो २४ घण्टामा देशभर थप ५ सय ४२ जनामा कोरोना भाइरस संक्रमणको पुष्टि भएको छ । २ हजार ८२ वटा पीसीआर परीक्षणमा २ सय २४ र २ हजार ८ सय ४८ एन्टिजेन परीक्षणमा ३ सय १८ गरी थप ५ सय ४२ जनामा कोरोना भाइरस संक्रमणको पुष्टि भएको स्वास्थ्य तथा जनसंख्या मन्त्रालयले बिहीबार जानकारी गराएको छ ।
त्उसैगरी २४ घण्टामा कुल ४ हजार ९ सय ३० वटा नमुनाको परीक्षण गरिएको पनि मन्त्रालयले जनाएको छ । बिहीबार सम्म नेपालमा सक्रिय संक्रमितको संख्या ५ हजार २ सय ६५ पुगेको छ । २४ घण्टामा ४ सय २१ जना संक्रमणमुक्त भएका छन । सोही अवधिमा ९७ हजार ६ सय ५७ जनाले कोरोना खोप लगाएको पनि मन्त्रालयले जनाएको छ ।
