मलासी, चैत्र २२ बझाङ । शिक्षा क्षेत्रमा राजनितिक विशेष बहस हुने गरेका बेला बझाङ्गका शिक्षकले राजिनामा दिने प्रक्रियालाई तिव्रता दिदै आएका छन । बझाङ्गको जयपृथ्वी नगरपालिका ४ मा रहेको बालबिकास माबि गोलाईमा २०५० साल असार ६ गते देखि नियुक्ति लिएर शिक्षक पेशामा प्रबेश गरेकी प्रा बि शिक्षक जयन्ती जोशीले २९ वर्ष एउटै बिध्यालयमा सेवा गरि चैत्र २ गते खुलेरै राजनितिक गर्ने सोचकासाथ शिक्षक पेशावाट राजिनामा दिनु भएको छ ।
नेपाली काँग्रेसवाट यस अगाडि १४औ महाधिबेशनमा प्रदेश मशाधिबेशन प्रतिनिधि हुँदै सुदूरपश्चिम प्रदेश कार्य समितिको सदस्य समेत भई सकेकी जोशी २०७९ बैशाख ३० मा हुने स्थानीय तह निर्वाचनमा जयपृथ्वी नगरपालिकाको उपमेयर पदको देबेदार रहनु भएको छ । लामो समय शिक्षक भएर सेवा गर्ने जुन अवसर पाए त्यसमा पनि सरकारको नीति निर्देशनको पालना गरि २९ वर्ष सेवा गरे । बिधार्थीसंग आफ्नो दिनचर्या बिताए पनि अब नगर बासी आमा बुबा दाजु भाइ दिदी बहिनीहरुको सेवा गर्ने मनमा रहर जागेर आएकोले राजिना दिएकी हु उनले भनिन । मलाई लाग्छ पार्टीले पनि मेरो योगदानको उच्च मुल्याङ्कन गर्दै जयपृथ्वी नगर वासीको सेवा गर्ने अवसर दिदै आफुलाई उपमेयरको उम्मेद्वार तोकी टिकट दिने जोशीले बताईन ।
त्यसैगरी नेपाल शिक्षक महासंघ जिल्ला समिति बझाङका अध्यक्ष विनोद थापाले शिक्षक पेशावाट राजीनामा दिएर राजनीति जीबनमा प्रवेश गरेका छ्न्न । बझाङको भैरब माद्यामिक बिद्यालय झोतामा ३० बर्ष लामो समय देखि प्रा बि तहमा अध्यापन गराउदै आएका थापाले राजीनामा दिएका हुन । बिगतलामो समय देखि एमाले पार्टी निकट राजनीति आस्था भए पनी अब खुल्ला रुपमा एकीकृत समाजबादी पार्टी बाट खुलेर राजनीति गर्ने बताएका छन् । मस्टा गाउँपालिकाको केन्द्र बिन्दु भातेखोलामा रहेको श्री कुलमष्टजन उच्चमाबिमा कार्यरत शिक्षक अग्निराज जोशीले पनि शिक्षण पेशाबाट राजीनामा दिनु भएको शिक्षा बिकासतथा समन्वय ईकाई चैनपुर बझाङका सूचाना अधिकारी बसन्त बहादुर सिहले जानकारी दिएका छन् ।
शिक्षण पेशाबाट राजीनामा दिने ३ जना शिक्षक सबै जना प्राथमिक तहका शिक्षक रहेका छन् । स्थानीय निर्वाचनको मिति नजिकिँदै जाँदा सामुदायिक विद्यालयमा कार्यरत शिक्षकले धमाधम राजीनामा दिन थाले पछि तत्काल बिषयगत शिक्षकको अभाव हुने सूचना अधिकारी सिंहले बताउनु भयो । बिगतका दिनहरुझै शिक्षण पेशा भन्दा राजनीतिमा लागेर आफ्नो फरक परिचय देखाउन थाले पछि वर्षौ देखिको शिक्षा क्षेत्रमा गरेको मेहनतलाई थाति राख्दै शिक्षकहरु राजीनामा दिन थालेका छन । शिक्षा मन्त्रालय अन्तर्गत शिक्षक किताबखाना अनुसार विगतका वर्षको तुलनामा राजीनामा दिने स्थायी शिक्षकको संख्या अत्यधिक बढ्दो क्रममा छ । गतबर्ष देश भर वाट ७ सय ९७ जना शिक्षकले राजीनामा दिएका थिए भने चालु आवको ६ महिना पुससम्ममा एक हजार २५ जनाले स्वैच्छिक राजीनामा दिए । एमाले, कांग्रेस र माओवादी लगायत ठूला पार्टीका महाधिवेशन र नजिकिँदो स्थानीय निर्वाचनका कारण शिक्षकले राजीनामा दिने क्रम बढेकोशिक्षक किताबखानाको तथ्यांक रहेको छ ।
